Skuderia gjermane BMW ka njoftuar tërheqjen nga garat e Formula 1. Lajmi është dhënë paraprakisht nga e përditshmja gjermane “Bild” dhe me pas u zyrtarizua nga presidenti i Këshillit Administrativ të grupit, Norbert Reithofer, në një konferencë për shtyp në Mynih.

BMW do të qëndrojë gjithësesi në automobilizëm.

“Eshtë një vendim i vështirë, por ka të bëjë me optiken e një strategjie ristërvitjeje të kompanisë sonë”, tha Reithofer.

BWM do të bëhet kështu prodhuesi i dytë i madh në nëntë muaj që largohet nga kjo garë, pasi edhe Honda morri të njëjtin vendim vitin e kaluar. Ka frikë se edhe Toyota mund të marrë të njëjtin hap në disa javët në vazhdim.

Mënjëherë pas kësaj deklarate ka reaguar FOTA (Formula One Teams Association – Shoqata e skuderive të F1), e cila është shprehur e gatshme të ndihmojë BMW Sauber.

“Skuderitë që bëjnë pjesë tek FOTA janë të gatshme të japin gjithë mbështetjën e mundshme për skuderinë zvicerane, pjesëmarrja e së cilës në shoqerinë tonë është e konfirmuar, derisa te mbetët e përfshirë në botën e Formula 1”, bën të ditur shoqata FOTA në një deklaratë për shtyp.

Artikuj të ngjajshëm:

1. Formula 1, 24 makina gati për të ndezur motorët
2. Rossi mund te kaloj në Formula 1
3. F1 nga viti i ardhshëm vendos sistem pikesh si ne Moto GP
4. Vetëm një kampionat F1
5. Ecclestone: ‘Nuk do të lejojë shkatërrimin e Formula 1’