Automobilat elektrikë janë bërë hit i vërtetë kohën e fundit. Ata shumë shpejt u bënë të parapëlqyerit e shumë personave, andaj ata mezi presin që të bëhet prodhimi edhe i modeleve të paralajmëruar.

Sipas anketës së realizuar me adhuruesit e veturave elektrike, pesë automobila që do t’i paraqesim dolën të jenë më të “dashurit” dhe mezi pritet lansimi i tyre.

BMW Megacity

Pamja e tij vjen drejtpërdrejt nga sci-fi filmat, por ultra-modernja BMW Megacity nuk është bash “fantazi”. Automobili elektrik i qytetit i BMW-së do të prodhohet në vitin 2013, ndërsa kjo “shtyrje” erdhi si rezultat i hulumtimeve të shumta që janë bërë se a do të pëlqehet apo jo kjo veturë. Është zhvilluar nën projektin e “BMW-së” ndërsa programi “Megacity” do të ketë jetëgjatësi shumë më të madhe sesa automobilat e tjerë falë karrocerisë së dëshmuar nga alumini, kabinës nga karboni për udhëtarët dhe elektromotorit të fuqishëm, duke përmendur këtu edhe qëndrueshmërinë.

Pritet pra që Megacity të mbetet në qarkullim me dekada dhe se do të nevojiten para të vogla për mirëmbajtjen e tij. Kjo është një punë e mirë, por ajo që u intereson shumë vetave është çmimi sa do të kushtojë i cili ende nuk është bërë i ditur, por pritet të jetë goxha i lartë.

Audi A1 e-tron

Audi A1 e-tron, është i bazuar në modelin që fitoi shumë shpërblime atë A1, dhe ky është përshkruar si “Mega City Vehicle”, i ngjashëm si BMW Megacity. Sipas pohimeve të bëra deri tani nga ana e prodhuesit, ai është i aftë t’i kalojë mbi 50 kilometra me një bateri, pra me energji elektrike. Ajo që është shumë gjë e mirë është se bateria e zbrazur mund të mbushet shumë shpejt me energji, andaj mundet pastaj pa asnjë problem të vazhdohet rrugëtimi me energji elektrike. “Audi” është duke planifikuar të bëjë testimin e modelit A1 e-tron në München, Gjermani, këtë vit. Modeli e-tron, pritet të prodhohet në numër jo aq të madh, dhe çmimi i tij do të jetë bukur i shtrenjtë, dhe sipas informatave atë mund ta blejnë vetëm ata që kanë “xhepin e thellë”.

Mazda 2 elektrike

Prodhuesi i njohur “Mazda” kohë më parë bëri publike planet që së shpejti do të futet edhe në segmentin e veturave elektrike dhe këtë me modelin i cili do të bazohet në automobilin shumë të popullarizuar të qytetit atë Mazda 2. Sipas burimeve brenda kësaj kompanie pritet që “Mazda” të huazojë “Toyota Hybrid Synergy Drive” teknologjinë dhe pritet ta ketë autonominë e ngjashme sikur edhe Audi A1 e-tron. Prodhuesi japonez i automobilave parashikon që ky model do të jetë vetura më e preferuar elektrike për qytet në të ardhmen, kjo falë karakteristikave që pritet t’i ofrojë.

Kia POP

Kia POP është një koncept i prezantuar kohë më parë dhe i cili ofron një “pasqyrë se si do të duken veturat e së ardhmes”. Me karrocerinë prej ngjyrës së kromit, me formë të pazakontë të dritareve, dyer të stilit “Gullwing” dhe me transparencën e saj, kjo veturë sigurisht që do të duket futuriste. Motori i saj do të jetë prej 68 kuaj fuqi dhe prej 190 Nm si dhe pritet të posedojë baterinë prej 18 kwh me litium, të cilat këto Kia POP-it i ofrojnë një autonomi bukur të mirë.

Disenjatori kryesor në “Kia Europe”, Gregory Guillaume tha: “Unë këtë vizion jam duke e shtjelluar kohë të gjatë në kokën time. Pritet që makina që do të prodhohet nuk do të lëshojë ‘aspak zë’ dhe nuk do të bëjë harxhime të mëdha. Thënë shkurt do të jetë një veturë që do t’i plotësojë kërkesat e njerëzve në të ardhmen”. Prodhimi i saktë i kësaj makine ende nuk është bërë i ditur, kështu që mund të ndodhë që adhuruesit e kësaj veture të presin edhe një kohë derisa Kia POP ta sheh dritën.

Ford Focus elektrik

Edhe prodhuesi i njohur “Ford” nuk deshi të rrijë duar kryq kur është në pyetje prodhimi i automobilave elektrik. Ata tashmë e kanë prezantuar modelin e tyre elektrik i cili bazohet në veturën shumë të shitur në tërë botën atë Ford Focus, andaj ata presin që shitja e tij të jetë shumë e madhe dhe se do të ketë popullaritetin e Ford Focus-it “normal”. Kjo veturë ofron një autonomi prej rreth 160 kilometra, ndërsa mund të mbushet nga prizma elektrike e shtëpisë. Mbushja e tërësishme e kësaj makine zgjatë rreth tetë orë. Por, a do të pëlqehet dhe a do t’i ofrojë të gjitha ato karakteristika që i ka bërë të ditura prodhuesi pritet të shihet.zeri/

Për dallim nga modeli filmik i veturës DeLorean, (Back to Future), për të cilin aktorët Marty McFly dhe Doc Brown kishin nevojë për plutonium për të udhëtuar nëpër kohë, modelin e ri do ta lëvizë një elektromotor i fuqishëm.

Kompania DeLorean Motor Company në panairin CES në Las Vegas, ka prezantuar prototipin e DeLorean, me motor elektrik, ndërsa në prodhim do të dalë vitin e ardhshëm.

Këtë veturë do ta lëvizë elektromotori i fuqishëm prej 215 kW, me të cilin mund të arrihet shpejtësia deri në 200 km/h, ndërsa me një të mbushur, mund të përshkohen mbi 160 kilometra. Tashmë janë bërë mbi 100 mijë porosi, derisa çmimi do të sillet me 90.000 dhe 100.000 dollarë.

Butanoli eshte nje lloj lende djegese derivat bio, qe eshte ne gjendje te zevendesoje naften dhe nenproduktet e saj ne motorat e makinave me djegje te brendshme.

Sipas Science Daily, nje grup shkencetaresh te Tulane University, kane mundur te vecojne nje bakter, “TU-103″, i cili ka aftesine qe duke perdorur letren te prodhoje butanolin.

Ky bakter, eshte i vetmi qe eshte ne gjendje te prodhoje butanolin direkt nga celuloza, nje perberje organike.
Celuloza gjendet ne te gjitha bimet e gjelberta, dhe eshte nga materialet organike me te bollshme ne toke, dhe shnderrimi i saj ne butanol eshte ne vetvete nje enderr per te gjithe, thote Harshad Velankar, ” profesor ne “David Mullin’s lab in Tulane’s Department of Cell and Molecular Biology”. Sipas tij, vetem ne SHBA, mund te perdoren rreth 323 milion tone celuloze per prodhimin e butanolit ne vit.

E rendesishme eshte qe TU-103, eshte ne gjendje te prodhoje butanolin direkt nga celuloza, ne prezence te oksigjenit.
Ndryshe nga etanoli, i cili prodhohet nga sheqeri, butanoli eshte edhe me interesant, pasi ai mund te perdoret edhe tek motoret aktuale te cilet punojne me karburantin klasik, pa kerkuar modifikeme te tij, pervecse eshte ne gjendje te prodhoje me shume energji. /ikub

Ditën e djeshme Toyota shfaqi makinën e re në Paramount Studios në Hollywood, Calif. Kompania e zbuloi live Toyota Camry Hybrid të 2012-ës

Kjo do të thotë se pronarët e një makine 2012 Toyota Camry Hybrid do të jenë në gjendje të udhëtojnë më larg, duke kursyer më shumë se pronarët e një modeli të këtij viti.

Motori 4-cilindërsh, me 2.5 litra, gjeneron rreth 200 kuaj-fuqi.

Camry Hybrid shkon nga 0-60 mph në 7.6 sekonda.

Cmimi i vendosur për të është rreth 26,000 dollarë

Sipas burimeve të “Opel-it” në treg do të duhet së shpejti të arrijë limuzina luksoze e cila si karburant shfrytëzon hidrogjenin. Më saktë, ky automobil, bazuar dhe në paralajmërimet e mëhershme të “Opel-it” se deri në vitin 2015 do të prezantohet vetura me hidrogjen, në treg do të duhet të arrijë në vitin 2016.

Momentalisht nuk ka informacione konkrete për automobilin, përveç se ky projekt është duke u zhvilluar nën emrin e koduar “TOL” apo “top of the line”. Sipas disa burimeve kjo limuzinë do të bazohet në versionin e zgjatur të platformës së GM Epsilon II dhe se në “Opel” pritet që në vit të prodhohen rreth 20.000 njësi të këtilla.

Mbi 200 makina hibride bënë një shëtitje 20 minutëshe rreth qytetit Madison, Wisconsin për të thyer rekordin botëror ekzistues vendosur në Belgjikë në vitin 2010.

Me shpresën se do të mblidheshin 500 makina, ngjarja tërhoqi 208 që theu rekordin e mëparshëm me 140 makina të tilla. Kemi të bëjmë me rekordin e paradës më të gjatë me automjete hibride.

Pjesa më e madhe e makinave ecën ngadalë për të qëndruar vetëm me energjinë e baterive, duke i lejuar organizuesit ta quajnë “parada më e qetë në botë”. Procesi përbëhej më tepër nga makina e famshme hibride Prius, që mund të ecë vetëm me energji elektrike deri në 35 mph.

Pista 2.1 milje mjaftonte për të vendosur rekordin e ri dhe për të konsumuar në total vetëm 15 litra naftë nga të gjithë pjesëmarrësit.

Artikuj të ngjajshëm:

1. Makinat hibride dhe planet për të ardhmen

Makinat elektrike mund të prodhojnë më shumë emetime të dëmshme gjatë jetëgjatësisë së tyre në krahasim me mjetet e tjera, për shkak të energjisë së konsumuar për të prodhuar bateritë e tyre.

Përfundimin e ka nxjerrë një studimi i komisionit të Low Carbon Vehicle Partnership (Low Cvp) i financuar nga qeveria britanike dhe industria automobilistike.

Sipas studimit, një mjet elektrik mesatar, duhet të kryejë të paktën 150 mijë kilometra përpara se të realizojë një kursim neto të emetimeve.

Jaguar C-X75 është një veturë elektrike hibride me prizë që punon si Chevy Volt, me fuqi elektrike që rimbushet nga një motor benzine. Vetura ka një motor elektrik 145 kW, dhe arrin shpejtësinë nga 0 në 60 mph në 2.8 sekonda.

Shpejtësia maksimale e saj arrin 200 mph. Sipas Top Gear, ato motorë priten të gjenerojnë afërsisht 800 kuaj fuqi. Struktura me fibra karboni e bën më të lehtë se një Ford Focus.

Kur makinës i mbaron bateria (pasi udhëton 30 milje), ajo karikohet nga një motor benzine katër cilindërsh. Fatkeqësisht, motorët binjakë mikro-reaktiv që do të karikonin makinën konceptuale nuk do të jenë pjesë e modelit të prodhimit, por Top Gear thotë se “topat e zjarrtë do të jenë pjesë e një prodhimi të mëvonshëm”.

Çmimi i përllogaritur i makinës është afërsisht 1.1 milion dollarë.

Jaguari do të prodhojë vetëm 250 copë të tilla, dhe do t′i hedhë në treg në 2013-tën.

Portali Albeu ka përmbledhur 32 fotografi të Jaguar C-X75 hibride, shikojini:

Artikuj të ngjajshëm:

1. Jaguar paraqet automjetin sportiv futuristik C-X75

Kompania “Toyota” ngadalë është duke përmbushur plane të mëdha në hibridizimin e gamës së saj. Toyota Auris e shfrytëzon tërheqjen e Prius-it, por në të janë bërë disa ndryshime të caktuara me qëllim të përmirësimit të performancave.

Ofron kënaqësi si në qytet edhe në rrugë të hapura

Për karakteristikat e vozitjes nuk do të gabojmë nëse e vlerësojmë si tipike hibride. Nëse e vozisim qetësisht, pa mundime të tepërta, Auris punën do ta bëjë më shumë se korrekt. Përshpejtim solid, puna e qetë dhe harxhimi dukshëm më i ultë se nga konkurrentët me benzinë, ky automobil njëjtë kënaqësi do të ofrojë si në qytet edhe në rrugë të hapura.

Përndryshe janë në pyetje 136 KF të fuqisë maksimale, ndërsa nuk është e tepërt të përmendet se deri në 100 km/h shpejton për solidet 11.4 sekonda dhe arrin shpejtësinë maksimale 180 km/h. Këtu është edhe ndërruesi i cili ofron më shumë se njohurinë se jeni duke vozitur automobilin në mënyrën e pranueshme ekologjike.

E njëjta vlen edhe nivelin e ultë të zhurmës së tërheqjes e cila në krahasim me automobilat me tërheqje klasike është “e padëgjueshme”.

Deri në 1.200 kilometra me një rezervuar

Ndërsa sa i përket harxhimit të karburanteve automobili në teo/ri është më shumë se i shkëlqyeshëm. Mesatarja e deklaruar prej 3.8 l/100 km do të thotë që i kalon deri në 1.200 kilometra më një rezervuar me karburant, ndërsa këtu edhe është fakti se është kursimtar sikur të jetë me naftë.

Realisht, rruga e hapur me 5-6 l/100 km nuk është harxhim i madh, sikur as vozitja në qytet harxhimi i të cilës sillet përafërsisht në vlerat e njëjta. E tëra kjo tregon se ta keni këtë makinë nuk është gjë e shtrenjtë, por vetëm nëse e ngisni me kujdes./zeri/

Sipas dokumentit të publikuar kohë më parë, Toyota Global Vision, prodhuesi i njohur japonez i automobilave ka ndërmend që në katër vjetët e ardhshëm, deri më 2015, të ketë në treg të paktën 10 modele të reja të automobilave hibridë.

Përveç hibridëve, në pjesën e strategjisë e cila ka për qëllim prodhimin e automjeteve me ndikim minimal në ambient, përmenden edhe automobilat vetëm me rrymë si dhe automjetet e bazuara në qeliza djegëse.

Ky është vazhdim i punës së mëparshme të Toyotoës në këtë teknologji e cila shumë shpejt do të duhej të sillte disa rezultate konkrete. Problemi me automjetet me qeliza djegëse është çmimi prodhues i lartë i tyre – tani për tani rreth gjysmë milioni dollarë për një automobil me madhësi mesatare.

Toyota parashikon që së shpejti çmimi i qelizave djegëse do të bjerë për 90 për qind, duke shfrytëzuar më pak katalizatorë platine në qeliza, thjeshtëzimin e dizajnit dhe zvogëlimin e shpenzimeve të pjesëve prej fijeve të karbonit prej të cilave bëhej shtëpiza e qelizave.

Tani për tani çmimi i të gjithë komponentëve të qelizave djegëse për industrinë e automobilave është aq i lartë, saqë prototipet të cilët shfrytëzohen në prodhim kushtojnë rreth 100.000 dollarë, që megjithatë është rreth pesë herë më pak se çmimi i vitit 2008 për të njëjtën teknologji.

Toyota shpreson që çmimi i prodhimit të qelizave djegëse në vitin 2015 do të bjerë aq shumë, saqë çmimi komercial i modeleve të tilla në treg do të jetë rreth 50.000 dollarë.

Artikuj të ngjajshëm:

1. Vjen Toyota IQ elektrike
2. Toyota, thirrje për riparimin e makinave me defekte
3. Është paraqitur modeli më i madh Prius me bateri nga Toyota