Suksesi global i modelit koncept BMW X është rrënjosur në një nivel të performancës sportive që nuk mund të shihet në modelet tjera të veturave që tërheqin me katër rrotë.

Motorët e fuqishëm, teknologjia e avancuar e shastisë dhe sistemi i tërheqjes me katër rrotë BMW xDrive i modeleve BMW X5 dhe BMW X6, ofrojnë kënaqësi në vozitje shumë larg nga niveli i rivalëve të tyre nga i njëjti segment.

Plus kësaj, versionet e motorëve dizel me 6 cilindra të Sports Activity Vehicle dhe Sports Activity Coupe në veçanti, impresionojnë me konsumim tejet të vogël të karburantit dhe nivel të ulët të emetimit të gazrave, duke marrë parasysh mundësinë e tyre të performancës dhe konstruksionin e tyre.

Dhe modeli i ri 0BMW X6 M50d, i shtynë edhe më tutje këta kufijë, duke i quar në përsosmëri në aspektin e performancës sportive, harmonisë konceptuale dhe efikasitetit.

Karroceri aerodinamike, ambient sportiv i interierit

Dizajni ekskluziv i eksterierit dhe interierit në modelin BMW X6 M50d, ofron një balancë të qartë vizuale dhe të optimizuar si dhe një rritje të kënaqësisë së vozitjes.

Prania e saj të fuqishme dhe kontura tre-dimensionale trupit, e bëjnë pjesën e përparme tejet tërheqëse për sy. BMW X6 M50d vjen me fellne standarde 20 inç alumini M Light me dizajn të fletëzave të dyfishta. Një pamje e mahnitshme ofrohet edhe në brendi, duke përfshirë pragun e dyerve me logon “M Performance”, logoja “M50d” në panelin e instrumenteve, dorëza e transmisionit me logon M, timon lëkure po ashtu me logon M, pastaj shiritat nga alumini në tavan në modelin Anthracite dhe Brushed Aluminium Shadow, etj.

Ky model vjen me ulëset standarde tejet ekskluzive dhe sportive Alcantara/Nappa M, të cilat ofrojnë rregullim në mënyrë elektronike dhe funksionin e memorizimit të pozitës së uljes. Ulëset m ngjyrë të zezë, janë të zbukuruara me qepje me kontrast të bardhë dhe logo M.

Në mesin e pajisjeve tjera standarde, janë edhe dritat kryesore Xenon në kombinim me ato të ditës LED, Kontrolli i vozitjes me funksionin e frenimit, kondicioneri 2-zonal, sensori për shi, Radio Professional dhe sistemi i kontrollit iDrive.

Sa i përket listës së pajisjeve opsion, ajo përfshinë Comfort Access, kulmin panoramë, dyert me funksionin e mbylljes së butë automatike (Soft Close Automatic), ulëse aktive dhe me ngrohje, sistem navigacioni dhe sistem për argëtim i audios i kualitetit të lartë. Sa i përket çmimeve, ai bazë do të jetë 85.800 euro, ndërsa ky çmim rritet varësisht nga lloji i pajisjeve.

Teknologjia M Performance TwinPower Turbo, rrit performancën sportive

Rritja e forcës së motorëve dizel e bëjnë modelin BMW X6 M50d edhe më efikas dhe më sportiv. Motori i zhvilluar për BMW M Performance Automobiles, ai 3.0 litërsh, gjeneron një forcë prej 280 kW/381 kuaj fuqi dhe moment rrotullimi prej 740 Nm, duke bërë që modelit BMW X6 M50d, t’ia kenë zili të gjitha modelet e tjera rivale në këtë segment.

Ky model përshpejtimin nga 0 në 100 km/h, e arrin për vetëm 5.3 sekonda, ndërsa edhe pse mund të arrihet shpejtësi më e madhe, ajo në mënyrë elektronike është e kufizuar në 250 km/h. Dhe dikush do të mendonte se një motor me performanca kaq të fuqishme, do të nënkuptonte edhe harxhime më të mëdha, por e kanë gabim, pasi harxhimet janë vetëm 7.7 litra për 100 kilometra të kaluara.

Në anën tjetër, sistemi i tërheqjes me katër rrotë BMW xDrive All-Wheel, përdor një pedale fraksioni e kontrolluar në mënyrë automatike për të shpërndarë fuqinë e motorit mes rrotave të përparme dhe atyre prapa në mënyrë të ndryshuar, varësisht prej situatës.

BMW X6 M50d

2993 cc

Shpejtësia

250 km/h

Fuqia

381ps

Harxhimet

7.7l / 100 km

Teknologjia

Sa i përket listës së pajisjeve opsion, ajo përfshinë Comfort Access, kulmin panoramë, dyert me funksionin e mbylljes së butë automatike (Soft Close Automatic), ulëse aktive dhe me ngrohje

Interieri

Një pamje e mahnitshme ofrohet edhe në brendi, duke përfshirë pragun e dyerve me logon “M Performance”, logoja “M50d” në panelin e instrumenteve, dorëza e transmisionit me logon M, timon lëkure po ashtu me logon M

Shpejtësia

Ky model përshpejtimin nga 0 në 100 km/h, e arrin për vetëm 5.3 sekonda, ndërsa edhe pse mund të arrihet shpejtësi më e madhe, ajo në mënyrë elektronike është e kufizuar në 250 km/h

Harxhimet

Dhe dikush do të mendonte se një motor me performanca kaq të fuqishme, do të nënkuptonte edhe harxhime më të mëdha, por e kanë gabim, pasi harxhimet janë vetëm 7.7 litra për 100 kilometra të kaluara

Motori

Motori i zhvilluar për BMW M Performance Automobiles, ai 3.0 litërsh, gjeneron një forcë prej 280 kW/381 kuaj fuqi dhe moment rrotullimi prej 740 Nm, duke bërë që modelit BMW X6 M50d, t’ia kenë zili të gjitha modelet tjera rivale në këtë segment

BMW bavarez është një nga prodhuesit e makinave të cilët në kohën e krizës edhe me tutje vazhdon me të njëjtin ritëm në zhvillimin e automjeteve me sistemin e së ardhmës.

Në një raport të botuar kohët e fundit “BMW TV,” shpjegon parimin e zhvillimit të mjeteve të tilla, që përdorë një pjesë të vogël të kompjuterëve, lazer, radar dhe sensorë ultra-zë për të mbledhur të gjitha të dhënat e nevojshme, të kombinuara me informacion GPS, duke çuar kështu në makinën e përsosur për rrugën e preferuar në përputhje të plotë me rregullat e trafikut …

Tani për tani, këto eksperimente të përdorura nga BMW  shfrytëzohen edhe si bazë e të dhënave për zhvillimin e sistemeve që kanë gjetur tashmë zbatimin në automjetet moderne.

www.youtube.com/watch?v=DgIAs3sBxCQ

Kompania gjermane e prodhimit të automobilave BMW njoftoi sot tërheqjen e rreth 235 000 automjeteve të saj të gamës Mini në të gjithë botën, për shkak një problemi me pompën e ujit.

Vetëm në Shtetet e Bashkuara, tregu më i madh i markës, numri i automjeteve të tërhequra arrin në 89 000, ka njoftuar që dje autoriteti amerikan i sigurisë rrugore, NHTSA.
Shtetet e Bashkuara përbëjnë tregun më të madh të BMW-ve tip Mini, të pasura nga Britania e Madhe që vjen në vend të dytë dhe nga Gjermania në të tretin, bëri të ditur zëdhënësi i kompanisë gjermane për AFP, Sven Grützmacher.

Në rastin më të keq, pompa e ujit mund të marrë zjarr, gjë që ka ndodhur tashmë në Shtetet e Bashkuara. Deri tani, këto incidente nuk kanë shkaktuar asnjë viktimë, theksoi ai.

Tërheqja ka të bëjë me automjetet e prodhuara në periudhën mars 2006 – janar 2011 me motorët Cooper S dhe John Cooper Works, shtoi ai. Zëvendësimi i pompës së ujit do të bëhet falas.

Artikuj të ngjajshëm:

1. BMW do të prodhojë Mini Coupe e Speedster
2. BMW vjen me modelin e ri X4
3. Pritet debutimi i konceptit të BMW ActiveE

Edhe më pak se një vit na ndanë nga lansimi i veturës elektrike të BMW-s, modeli i3, ndërsa prodhuesi gjerman tashmë paralajmëron aplikacionin për telefona të mençur, me të cilin do të mund të manovrohet me këtë veturë të përparuar.

Për dallim nga programet e zakonshme, BMW përdoruesve do t’u mundësojë që të ndjeheni sikurse agjenti sekret 007.

Përmes këtij aplikacioni, nga largësia do të mund të hapet dhe mbyllet vetura dhe të freskohet brendia para se të hyni në të. Po ashtu, çdo moment do të tregohet kapaciteti i mbetur i baterisë.

BMW ka “parakaluar” Mercedes-Benz-in si makina luksoze më e shitura në Shtetet e Bashkuara të Amerikës për vitin 2011. Shitjet e BMW-së janë rritur me 15% në dhjetor të vitit të kaluar.

Në total për 2011, BMW ka shitur 247 907 makina, rreth 2 700 më shumë se sa Mercedesi.

Por zyrtarisht asnjë nga kompanitë e prodhimit të makinave nuk ka publikuar shifrat duke pritur njëra-tjetrën që të bëjë një gjë të tillë ndërsa kompanitë e tjera kanë kohë që kanë publikuar bilancin e vitit 2011.

Në fund Mercedesi është dorëzuar dhe ka publikuar dje rezultatet ndërsa BMW e ka bërë një gjë të tillë vetëm pak orë pas saj.

BMW edhe zyrtarisht e ka prezantuar modelin e ri nga 6-Series Gran Coupe. Përveç pjesës “Gran” në emër dhe shtesës së dyerve, nga modeli standard Coupe, e dallon edhe 111 mm gjatësi më shumë.

Pasi BMW qysh më herët e ka prezantuar serinë koncept 6 me katër dyer, e cila njëherit ka paralajmëruar edhe ardhjen e një limuzine të këtillë në treg, zbulimi i modeli që shkon në prodhim nuk ka shkaktuar një eksitim aq të madh sa do të duhej.

Dizajn sportiv dhe tërheqës

Dizajni i jashtëm njihet qysh në shikim të parë dhe është gati identik me gjeneratën e re të Serisë 6 Coupe. Përveç shtesës së dy dyerve, risi janë edhe dritat Xenon dhe fellnet 18 inç nga alumini. Inovative në serinë e re të BMW-s 6 Gran Coupe, është edhe teknologjia e dritave, që janë në formë të Adaptive LED Headlights.

Drita e tyre e ndritshme e bardhë, ofron një ndriçim të jashtëzakonshëm në rrugë. Po ashtu, kjo teknologji mundëson ndriçimin e çdo cepi të rrugës që ecni.

Brendi luksoze

Brendia luksoze e këtij modeli është punuar me lëkurë “Dakota”, ulëset e përparme me ngrohje dhe me klimë me kontroll dy-zonal. Numri i ulëseve është optimal për pesë persona, edhe pse duhet përmendur se bëhet fjalë për konfigurimin 4+1, ndërsa bagazhi është prej 460 litrave. Sipas dëshirës në dispozicion janë edhe detajet zbukuruese nga qeramika, navigacioni GPS dhe audio-sistemi Bang & Olufsen.

Tiparet tjera që e dallojnë këtë model të ri nga veturat tjera rivale, është sistemi i asistencës ‘BMW ConnectedDrive’ dhe shërbimet modile. Kamera për shikim prapa, pamja e rrethit, ndihmësi në parkim, pamja natën e BMW-s me njohjen e këmbësorëve, sistemi i paralajmërimit gjatë ndërrimit të shiritave të rrugës dhe njohja e këndeve të vdekur, i janë shtuar listës së pajisjeve në gjeneratën e re të monitorit të BMW-s ‘Head-Up-Display’. Sistemi i ri i integruar, përdor një spektër të gjerë të ngjyrave për të shfaqur informatat e nevojshme.

Zgjedhje mes tre motorëve

Është e mundur zgjedhja mes tre motorëve. Modelin 640i e lëviz motori me benzinë 3.0-litërsh me 6 cilindra dhe me turbo-mbushës, i cili jep 320 kuaj fuqi (235 kW) dhe moment rrotullimi prej 450 Nm. Shpejtësinë nga 0 në 100 km/h, e arrin për vetëm 5.4 sekonda, derisa shpejtësia maksimale është e kufizuar në 250 km/h.

Nëse dëshironi të dini harxhimet e këtij motori, duke marrë parasysh faktin se është benzinë dhe ka fuqi të madhe, ai harxhon vetëm 7.8 litra në 100 km. Modeli i ardhshëm është BMW 650i i cili përdor motorin twin-turbo me benzinë 4.4-litërsh V8 i cili ofron 450 kuaj fuqi (330 kW) dhe moment rrotullimi prej 650 Nm.

Shpejtësinë nga 0 në 100 km/h e arrin për vetëm 4.6 sekonda, derisa shpejtësia maksimale e tij gjithashtu është e kufizuar në 250 km/h. Harxhimet e këtij motori të fuqishëm, nuk e tejkalojnë 8.7 litra në 100 kilometra. Për adhuruesit e motorëve me naftë, u dedikohet modeli BMW 640d, i cili është i pajisur me motorin 3.0 litërsh i cili ofron 313 kuaj fuqi (230 kW) dhe moment rrotullimi prej 630 Nm.

Edhe pse ky model përdor motorin më të dobët nga tre modelet e motorëve të ofruar, shpejtësinë nga 0 në 100 km/h, e arrin për vetëm 5.4 sekonda, ndërsa shpejtësia e tij maksimale është gjithashtu 250 km/h. Ky motor i fuqishëm, është tejet ekonomik, pasi për 100 kilometra të përshkuara, harxhon vetëm 5.5 litra, ndërsa të gjithë motorët kanë edhe nivel të ulët të emetimit të gazrave, çka plotësojnë standardet e caktuara.

Që të tre këta motorë punojnë në kombinim me transmisionin automatik me 8 shpejtësi. Si standard vjen sistemi i tërheqjes me

Shpejtësia

250 km/h

Fuqia

313ps

Harxhimet

5.5l / 100 km

Teknologjia

Sipas dëshirës në dispozicion janë edhe detajet zbukuruese nga qeramika, navigacioni GPS dhe audio-sistemi Bang & Olufsen.

Tiparet tjera që e dallojnë këtë model të ri nga veturat tjera rivale, është sistemi i asistencës ‘BMW ConnectedDrive’ dhe shërbimet modele.

Interieri

Brendia luksoze e këtij modeli është punuar me lëkurë “Dakota”, ulëset e përparme me ngrohje dhe me klimë me kontroll dy-zonal. Numri i ulëseve është optimal për pesë persona, edhe pse duhet përmendur se bëhet fjalë për konfigurimin 4+1.

Shpejtësia

Edhe pse ky model përdor motorin më të dobët nga tre modelet e motorëve të ofruar, shpejtësinë nga 0 në 100 km/h, e arrin për vetëm 5.4 sekonda, ndërsa shpejtësia e tij maksimale është gjithashtu 250 km/h.

Harxhimet

Ky motor i fuqishëm, është tejet ekonomik, pasi për 100 kilometra të përshkuara, harxhon vetëm 5.5 litra, ndërsa të gjithë motorët kanë edhe nivel të ulët të emetimit të gazrave, çka plotësojnë standardet e caktuara.

Motori

Është e mundur zgjedhja mes tre motorëve. Modelin 640i e lëviz motori me benzinë 3.0-litërsh me 6 cilindra dhe me turbo-mbushës i cili jep 320 kuaj fuqi (235 kW) dhe moment rrotullimi prej 450 Nm.

BMW M3 është vlerësuar si një makina e shpejtësisë dhe e qëndrueshmërisë. Këtë e dëshmon edhe një klip i xhiruar në rrugët e Shqipërisë. Edhe pse në këtë rreth rrotullim kalojnë makina të tjera normalisht, shoferi i BMW-së nuk pengohet aspak që të bëjë rrethin duke rrëshqitur.

Kjo është një lëvizje shumë e rrezikshme në një rrugë me trafik pasi mundësia për shkaktimin e një aksidenti është shumë e lartë.

Ne ju këshillojmë që të mos bënë këtë gjë, nëse keni një makinë të mirë si kjo atëherë ajo ka shumë kënaqësi të tjera që mund t’ju ofrojë përveç këtij “budallallëku” me okë.

Nëse doni të provoni një gjë të tillë atëherë duhet të shkoni në një hipodrom dhe nëse keni një kamera atëherë mund ta hidhni edhe në YouTube.

www.youtube.com/watch?v=7BLKcr-HhsY

BMW-ja bavareze ka prezantuar modelin e ri ActiveHybrid 5.

Për dallim nga modeli më i madh ActiveHybrid 7, modeli i ri është i ashtuquajtur “Full hibrid”, që nënkupton se vetura është e aftë që deri në një shpejtësi të caktuar, të lëvizë me energji të pastër elektrike, derisa motori konvencional me djegie të brendshme, është i fikur.

Motori benzinë 3.0 litërsh me 6 cilindra nga modeli BMW 535i, është i pajisur me teknologjinë TwinPower Turbo, që zhvillon forcën maksimale prej 225 kW dhe moment rrotullues prej 400 Nm, ndërsa kombinohet me elektromotor me forcë 40 kW dhe moment rrotullimi prej 210 Nm.

Me shpejtësi deri në 60 km/h, kjo veturë mund të ecë vetëm me elektromotorë, derisa për të arritur shpejtësinë maksimale prej 160 km/h, nevojiten dy motorët. Harxhimet mesatare fillojnë nga 6.5 l/100 km deri në 7.0 l/100 km, çka është për 2.1 l/100 km më pak se modeli 535i.

Nuk kaluan as dy vjet të plotë nga lansimi i S 1000 RR modelit, të cilin në vitin 2009 “BMW Motorrad” ia prezantoi publikut, ky departament na sjell ridizajnin e motoçikletës së saj shumë të suksesshme supersportive me shumë detaje të përmirësuara dhe futjen e noviteteve të avancuara.

Kontrolli dhe stabiliteti më i mirë

Sikurse edhe paraardhësi, modeli i ri RR për vitin 2012 do të jetë po ashtu i pakompromis duke ofruar nivelin më të lartë të karakterit sportiv dhe dinamikës së ngasjes.

Ajo që do t’i bëjë për vete ata pak dyshues që ekzistojnë, janë kontrolli dhe stabiliteti më i mirë, performancat superiore dhe praktika e paparë deri më tani për ngasjen e përditshme.

Këtu janë edhe sistemet më të mira aktive të sigurisë të cilat përfshijnë edhe sistemin më të avancuar të frenimit në treg, “BMW Motorrad Race ABS”. Me rastin e përshpejtimit, ngasësin e mbështet “Dynamic Traction Control” apo “DTC”. Te dy sistemet janë të optimizuara për interaksionin e përkryer.

Ajo që nuk është ndryshuar apo përmirësuar është fuqia e shkëlqyeshme e motorit prej 193 KF e cila për vetëm 204 kilogramë peshë me 90% rezervuar të mbushur garanton njëjtë performanca të shkëlqyeshme. Me sistemin e përmendur “Race ABS” pesha e kësaj motoçiklete është pak më e madhe, më saktë 206.5 kilogramë.

Timoni më preciz

Ndryshimet e pezullimit të 1000 RR modelit të ri kanë qenë kruciale për përmirësimin e dinamikës së ngasjes.

Gjeometria e pezullimit është modifikuar, timoni është më preciz sesa më parë ndërsa amortizatorët ofrojnë edhe përvojë më të këndshme të ngasjes. Është përmirësuar edhe rrjedha e ajrit ndërsa tërë pakoja e ndryshimit në pezullim është e rrethuar me amortizatorin e rregullueshëm mekanik.

Ekrani me matësin e shpejtësisë po ashtu është ridizajnuar për shikueshmëri shumë më të lehtë. I njëjti nga tani do të errësohet për pesë nuanca dhe ofron më shumë funksione se më parë për shembull indikatorin e kohës së kaluar, dhe indikatorin e lajmërimit nëse ngasësi vozit më shpejt se kufizimi.

BMW S 1000RR nuk ka përfituar vetëm nga të arriturat teknologjike në hapësirën e mekanikës, por edhe në dizajnin e motoçikletës. Bishti i motoçikletës është ridizajnuar dhe janë inkorporuar edhe elemente të caktuara asimetrike, ndërsa karakteristika tjera të dallueshme janë edhe krahët dhe aerodinamika e përmirësuar.

Firma gjermane e prodhimit të makinave luksoze BMW ka bërë të ditur lajmin se së shpejti do të nisë eksportimin e makinave nga Kina për në Lindjen e Mesme.

Në këtë mënyrë ajo do të bëhet firma e parë e huaj e cila prodhon makina në Kinë dhe që i eksporton ato jashtë. Bëhet fjalë për eksportimin e modeleve të serisë 5.

Lajmi u bëri i ditur nga Chistoph Stark, drejtoj ekzekutiv dhe presidenti i BMW në Kinë. “Do të gjejmë treg të ri, ndoshta Lindja e Mesme ose duku tjetër në Azi”, është shprehur aui për televizion publik në Kinë.

Në një kohë kur firmat e njohura të prodhimit të makinave Volgzvagen, Audi, ford, General Motors, Mercedez hde Hondai kanë nisur prodhimin e makinave në Kinë në bashkëpunim me partnerë lokal, asnjë prej tyre nuk ka nisur eksportimin e këtyre makinave jashtë Kinës deri tani.

Makinat e prodhuara në Kinë gjithmonë janë eksportuar në tergje të dorës së dytë siç janë vendet si Rusia apo ish vendet e Bashkimit Sovjetik, Amerikës Latine dhe disa vendeve në Lindjen e Mesme si Egjipti dhe Siria.

Vitin e fundit Kina ka eksportuar 544 900 makina. BMË është makina e dytë në Kinë pas Audit e cila tradicionalist prodhon makinat luksoze qeveritare atje. /albeu.com/

Artikuj të ngjajshëm:

1. Pritet debutimi i konceptit të BMW ActiveE
2. BMW konfirmon prodhimin e modelit Vision Efficient Dynamics
3. Ripërtrihet BMW X6