Land Roveri britanik tashmë po dizajnon formën e pasardhësit të legjendës për teren të vështirë, modelin Defender, i cili me modernizime të kohëpaskohshme, prodhohet që nga viti 1948. Land Rover fillimisht do ta prezantojë konceptin DC100, i cili vjen me një pamje plotësisht të re, mirëpo, ende nuk ka informacione rreth karakteristikave të tij.

Land Rover thotë se Range Rover Evoque i ri do të kushtoj nga $45,375 – $71,925 kur të del në shitje në Britani në Shtator. Gjithashtu janë treguar çmimet për tregun amerikan e që pritet të dal në shitje këtë vjeshtë me çmime që fillojnë nga $45,000.

Në Britani modeli “fillestar” i Evoque është eD4 me 4 dyer dhe me tërheqje vetëm në dy rrota me transmision manual me gjashtë shpejtësi dhe motor 2.2-litërsh turbodisel që prodhon 148 kuajfuqi.

Verzioni më i mirë i Evoque është Si4 Dynamic me dy dyer, paketen luksoze, transmision automatik me gjashtë shpejtësi dhe motor 2.0 litërsh benzin që prodhon 238 kuajfuqi.

Evoque ofrohet në dy stile të trupit të makinës, tri lloje të motorit, tri stile të dizajnit dhe disa opsione dhe aksesorie shtesë.

Verzioni i tretë i motorit është ai 2.2 TDI me 188 kuajfuqi.

Blerësit në Britani mund të ken qasje në konfiguratorin online të Land Rover.

Artikuj të ngjajshëm:

1. Land Rover ka paraqitur Range Rover Evoque

Pasi që në vitin 2008 në Detroit të SHBA-ve është paraqitur modeli atraktiv konceptual LRX, publiku me padurim e ka pritur paraqitjen e modelit prodhues. Më në fund ka ardhur edhe ajo ditë kur në kuadër të shënimit të ditëlindjes së dyzetë Land Rover ka paraqitur Range Rover Evoque.

Krahasuar me konceptin paralajmërues, në fushën e dizajnit ndryshimet janë minimale. Në anën tjetër, edhe pse është pritur që modeli prodhues do të bartë shenjën Land Rover, Evoque është përfshirë në ofertën e Range Rover. Bëhet fjalë për një trik marketingu në kuadër të cilit Evoque do të kushtojë më shumë, e do të ofrojë më pak. Gjithsesi bëhet fjalë për aftësitë për terren dhe praktikën e tij.

Të dhënat teknike për fat të keq nuk mund të gjenden ende, prandaj paraqitje e tyre komplete zyrtare pritet të bëhet këtë vjeshtë në panairin e automjeteve në Paris. Megjithatë, merret vesh se Evoque do të paraqitet në tri versione me tri e pesë dyer dhe se blerësit do të mund të zgjedhin në mes të tërheqjes në dy apo në të katër boshtet.

Fillimi i shitjes pritet të bëhet deri në mes të vitit 2011, e prodhimi i është besuar fabrikës së Land Rover në Liverpool.

Ani pse sapo ka kaluar një vit nga rifreskimi i dizajnit, për të mbajtur hapin me konkurrencën agresive në Land Rover kanë vendosur edhe për një ridizajnim tjetër të automjetit të fuqishëm Range Rover.

Risia më e madhe fshihet nën kapakun e motorit dhe thirret me emrin LT-TDV8. Bëhet fjalor për motorin 4.4 litërsh turbo me naftë, për të cilin jozyrtarisht flitet se vjen nga prodhuesi Ford, i cili zëvendëson njësinë e deritanishme motorike prej 3.6 litrash.

Motori i ri i zhvillon 313 kuaj fuqi dhe hiq më pak se 740 Nm moment rrotullimi, që është një përparim i madh krahasuar me paraardhësin e tij prej 271 KF dhe 640 Nm.

Përkundër shifrave të fuqishme, motori i ri është më ekonomik prandaj në ciklin e kombinuar evropian shpenzon 9.4 litra në njëqind kilometra të kaluara.

Falë marshit automatik prej tetë shpejtësish nga ZF, shpejtësinë prej zero deri në 100 kilometra në orë e arrinë për 7.5 sekonda, derisa përshpejtimin prej 80 deri në 120 km/h ky Range Rover e arrin për 5.1 sekonda.

Ndryshimet vizuale vërehen në ridizajnimin e lehtë të pjesës së përparme, me ngjyrat e reja të eksterierit si dhe paketën Exterior Design e cila përfshin ridizajnin e dritave të përparme dhe pasme, dritave të mjegullës, rrjetit të ftohësit dhe të ngjashme.