Suzuki ,e konceptin Swift S, ka paralajmëruar se çfarë na pret kur në treg do të arrij versioni Sport i Swift-it aktual. Në kapak gjendet motori benzinë 1.6 litërsh me 152 kuaj fuqi.

Përveç pamjes agresive, me spoilerin e prapmë, difuzorin, sistemin e dyfishtë të gypave të gazrave dhe fellnet 18 inç, vëmendjen e tërheq edhe ngjyra e posaçme e verdhë. Kjo veturë është e gjatë 389 cm me dallim mes boshteve prej 243 cm.

Në krahasim me Mini Cooper S, Suzuki është 17.7 cm më i gjatë.

Artikuj të ngjajshëm:

1. Suzuki publikon fotografitë e para të Swift
2. Suzuki ka zbulur sot modelin e ri R3
3. Suzuki prodhon ridizajnimin e modelit “Altos”

Alto e Wagon R të Suzukit do të bëhen modelet e para të prodhuesit japonez të cilët do të bartin logot e Volkswagenit.

Sa për rikujtim, vitin e kaluar Volkswagen ka rritur pjesëmarrjen e pronësisë së vet në Suzuki, prandaj bashkëpunimi dhe lidhja e dy kompanive për herë të parë do të ketë shenja të prekshme.

Bëhet fjalë për një raport i cili flet se si VW e Suzuki janë duke negociuar për ribrendimin e Altos në Volkswagen dhe Wagon R në Škoda për tregun indian, dhe atë duke filluar nga viti 2012.

Ata do të kategorizoheshin në fillimin e ofertës të brendeve evropiane dhe do të merrnin vendet të cilat fillimisht ishin planifikuar për modelet e familjes së re në pritje Up! zhvillimin e së cilës VW është duke e përfunduar. Risitë në fakt nuk do të shiten në Indi duke marrë parasysh se teknologjia e integruar në versionet prodhuese Up! do të përbëjnë një çmim përfundimtar i cili do të jetë shumë i lartë për tregun indian.

Duke marrë parasysh periudhën shumë të shkurtër përgatitore dhe shpenzimet e zvogëluara pritet që ndryshimin e logos do ta përcjellin vetëm ndryshime të vogla të eksterierit dhe enterierit, e burimet raportojnë se VW është i gatshëm të vendos logon e vet në modelet të cilat në fakt i vë në lëvizje motorët multijet 1.3-litërsh të Fiat, të cilët Suzuki në Indi i prodhon me licencën e Fiatit dhe i integron ata në modelet Alto e Wagon R.

Nëse keni gjeneratën e mëhershme të Suzuki Swift, e me këtë mendojmë në modelin e prodhuar në periudhën kohore në mes të majit 2007 deri në shtator 2009, bëhuni gati për thirrjen nga shitësi juaj për të bërë servis.

Prodhuesi i katërt japonez me madhësi ka njoftuar në Japoni do të tërheqë 90.617 automjete për shkak të probleme me retrovizorët anash të cilët për shkak të përdorimit shumëvjeçar të automjetet, si pasojë e dridhjeve, mund të shkëputen.

Suzukit në Japoni i janë paraqitur 77 raste të këtilla, të cilët kanë kaluar pa dëme të mëdha materiale. Përkundër kësaj, japonezët shkojnë në letrën e sigurt prandaj me gjasë se në aksionin e servisimit do të përfshijë edhe 192.000 automjete Swift të shitura jashtë Japonisë.

Artikuj të ngjajshëm:

1. Suzuki publikon fotografitë e para të Swift

Me një pjesë të dhënave teknike Suzuki ka publikuar fotografitë e para të riut, gjeneratës së tretë të modelit Swift i cili, së paku nga aspekti vizual, dallon shumë pak nga modeli aktual.

Automjeti i ri Swift në shitje do të del në vjeshtë, e në Suzuki pohojnë se, krahasuar me paraardhësin e tij, ai është avancuar dukshëm. Me përdorimin e çelikut me fuqi më të madhe japonezët kanë arritur ta bëjnë trupin e automjetit më të qëndrueshëm, mirëpo edhe më të lehtë, e në të njëjtën kohë automjetit i është rritur largësia në mes boshteve si dhe i është zgjeruar trajektorja në mes të rrotave për stabilitet më të madh dhe tipare më të mira të vozitjes.

Modeli i ri Swift është më i gjatë se paraardhësi i tij për 90 mm, më i gjerë për 5 mm si dhe më i lartë për 10 mm.

Në Suzuki pohojnë se enterieri po ashtu është dizajnuar në mënyrë më dinamike si dhe përpunuar nga materialet më kualitative.

Njësia motorike prej 1.3 litrash me benzinë është zëvendësuar me njësinë e re 1.2 litërshe me benzinë dhe sistemin e kontrollit variabël të ventileve thithës dhe lirues. Motori i ri zhvillon 94 kuaj fuqi me 6.000 o/min, dhe 118 Nm me 4.800 o/min, e në cikël të kombinuar shpenzon 4.9 litra në njëqind kilometra të kaluara.

Në fillim të vitit të ardhshëm Suzuki planifikon që në treg të ofrojë edhe motorin 1.3 litërsh me naftë, për të cilën tani për tani vetëm dihet se do të shpenzojë 4.2 litra karburant në njëqind kilometra. /Telegrafi/

Artikuj të ngjajshëm:

1. Suzuki Swift tërheq 280.000 automjete
2. Suzuki ka zbulur sot modelin e ri R3
3. Suzuki prodhon ridizajnimin e modelit “Altos”

Limuzina e klasës së mesme Kizashi e prodhuesit Suzuki, e cila që një kohë ofrohet në tregun vendas japonez dhe atë amerikan, është konfirmuar se do të paraqitet edhe në tregun gjerman qysh në muajin tetor të këtij viti.

Kizashi planifikon që në Evropë të paraqitet kundër konkurrentëve të saj, si Opel Insignia, Volkswagen Passat, Citroën C5, Ford Mondeo e Renault Laguna, me disa mundësi më të kufizuara.

Në fakt, automjeti do të ofrohet ekskluzivisht në versionin me një motor me benzinë, atë 2.4 litërsh me katër cilindra prej 178 kuaj fuqi dhe moment rrotullimi prej 230 Nm i cili është i çiftëzuar me marshin mekanik prej gjashtë shpejtësish, apo, me pagesë shtesë, me marsh automatik me transmetim të vazhdueshëm variabil.

Në Suzuki kanë paralajmëruar modelin hibrid elektrik-benzinë për vitin e ardhshëm, e partneriteti i nënshkruar kohë më parë me prodhuesin gjerman Volkswagen lë të kuptojë se nën kapak të Kizashit do të mund të gjendej edhe ndonjë motor me naftë nga koncerni VAG. Çmimi i modelit Kizashi për tregun gjerman është thënë se do të paraqitet vetëm ditë më parë para se ai të paraqitet.

Artikuj të ngjajshëm:

1. Suzuki do të prezantojë katër modele të ndryshme Suzuki Kizashi

Është zbuluar sot në Indi nga prodhuesi indian Maruti (degë e Suzukit) modeli më i ri Suzuki R3 në panairin e automjeteve që po mbahet këto ditë në Nju Delhi.

Kjo makinë është projektuar nga prodhuesi Indian Maruti dhe është me gjashtë ulëse individuale ku projektimi nga fillimi e deri ketu është bërë për vetëm nëntë muaj.

Zbulimi është bërë përmes televizionin kombëtar Indian, dhe ku koncepti R3 është projektuar për të nxitur vëmendjen e një numri në rritje të konsumatorëve në atë vend që kërkojnë mjete për qëllime të shumëfishta.

Maruti i Suzukit në Indi ka sjell në treg një makinë më mundesi të bartjës se udhëtarëve edhe në pjesën e ku mundesia e uljes në pjesën e pasme është shumë e lehtë fal dizajnit të dyerve me hapje të jashtme. Dyert duken shumë më elegante në krahasim me versionet e rrëshqitjes.

www.youtube.com/watch?v=qQ9ZQMa7yhc

Është e paqartë se çfarë motori do të përdoret në makinë, cili do të jetë lloji i karburantit dhe punën që jep. Disa raporte thonë se makina mund të ketë një motorr 1,2 dhe 1,4 litër me benzinë. Motori duket se do ti ketë pesë shpejtësi të transmetimit në doracakun prototip.

Suzuki Maruti është një prodhues i madh i automjeteve në tregun indian, ku kjo kompania mban gati 50% të aksioneve të tregut në atë vend.

Një version i prodhimit të MPV koncepti Suzuki R3  mund të vijë në treg brenda dy viteve.

Artikuj të ngjajshëm:

1. Suzuki publikon fotografitë e para të Swift
2. Suzuki prodhon ridizajnimin e modelit “Altos”
3. Publikohet një imazh i i modelit të ri Cadillac

Kompania e njohur japoneze e automjeteve Suzuki  filloi me prodhimin e gjeneratës së shtatë të mini-automjeteve në tërësi model i ridizajnuar i “Altos”.

Automjeti është me dizajn më të ndryshëm në krahasim me modelet paraprake dhe kualifikohej për lehtësime tatimore qeveritare në fillim të vitit.

Suzuki mendon se mundet në muaj të sheshë 7.000 automjete.
Për herë të parë Alto modeli është prodhuar në vitin 1979 dhe që atëherë janë shitur mbi 10 milionë automjete. Automjeti ka motor me vëllim prej 658 kubikë dhe sipas kompanisë, ka brendësi më të madhe dhe distancë më të madhe.

Artikuj të ngjajshëm:

1. Suzuki publikon fotografitë e para të Swift
2. Suzuki ka zbulur sot modelin e ri R3

Suzuki ka bërë të ditur se do të prezantojë katër modele të ndryshme Suzuki Kizashi.

Një prej versioneve është punuar nga Road Race Motorsport.

Edicioni Platinium i Kizashi ka një tavan të zi, grafika të veçanta, amortizatorë të rinj dhe pjesë tjera.

Gjithashtu, në prezantim do të gjenden edhe modeli nga Westside Auto Group, ai Kizashi Soleil. Ai veçohet me një ngjyrosje speciale prej dy shtresave, grill të ri dhe fascia të re.

Kompanitë tjera të përfshira janë: Delta Tech Engineering, Import Tuner dhe ICON Vehicle Dynamics.

Artikuj të ngjajshëm:

1. Suzuki Kizashi mbriti edhe në Evropë