Një makinë elegante, sportive, super teknologjike, me tapiceri të errët lëkure dhe me shenjën e mollës gjysmë të kafshuar në kofano.

Kjo ishte një ndër ëndrrat e parealizuara të themeluesit të kompanisë Apple, Steve Jobs.

Lajmi u bë i ditur nga Mickey Drexler, anëtar i këshillit administrues të kompanisë Apple, gjatë punimeve të konferencës “Innovation Uncensored”.

“Shikoni industrinë e makinave në SHBA. Është një tragjedi. Kush i dizenjon këto makina?”- deklaroi Drexler, i cili theksoi se ëndrra e Jobs, përpara se të vdiste ishte projektimi i makinës super teknologjike, iCar.

Piloti Lewis Hamilton i ka dhuruar skuadrës së tij McLaren, Pole Position numër 150 në provat zyrtare për Cmimin e madh të Barcelonës duke ndalur kohën në xhiron më të shpejtë 1:21.707.

Një rezultat mjaft i mirë ndërkohë edhe për Maldonado (Williams) që do të niset i dyti, përpara Alonso (Ferrari, 3°) dhe Grosjean (Lotus) në linjën e dytë. Nisja e garës spanjolle vazhdon me Raikkonen (Lotus, 5°), Perez (Sauber), Rosberg (Mercedes), Vettel (Red Bull, 8°) dhe Schumacher (Mercedes).

Para provave zyrtare parashikohej që McLaren do të arrinte në podium, dhe kështu ndodhi. Pavarësisht provave më të cuditshme ngë historinë e Formula 1, ku të gjitha skuadrat ndryshuan strategjitë mbi gomat, i vetmi që nuk u tërhoq nga vendimi i parë ishte Hamilton.

Ndërkohë në shtëpinë e Ferrarit, Alonso bëri gjithcka për të kënaqur tifozët vendas por nuk shkoi më shumë se vendi i tretë në prova. Ky është një sinjal i mirë edhe për moralin e bokseve të Maranellos, por që frenohet nga vendi i 17° i Felipe Massa.

Artikuj të ngjajshëm:

1. Hamilton: Në Kinë kemi bërë mrekullinë
2. Hamilton gjobitet për ngarje të rrezikshme
3. Brawn thotë se Schumaher kampion që në vitin 2010

Porsche është pranë finalizimit të modelit Spyder 918. Porsche publikuar fotot e para zyrtare të prototipit.

Porsche 918 pohon se shpejtësia do të arrijë deri në 100 km / h në vetëm 2,8 sekonda, ndërsa shpejtësia më e lartë i tejkalon 325 km / h.

Konsumatorët për 918 Spyder do të duhet të paguajnë rreth 800.000 euro, ndërsa dërgesat e para priten në gjysmën e dytë të vitit të ardhshëm.

Artikuj të ngjajshëm:

1. Porsche 918 Spyder kalon Nurburgringun për 7.20 minuta
2. Porsche 918 Spyder shkon në prodhim

Ne jemi dëshmitar të shumë inovacioneve kohëve të fundit , por jo si kjo.Honda paraqet  “Segway-in e zgjuar”, që përdor peshën e trupit të njeriut si timon.

Le të themi se ju doni të ktheheni majtas ose djathtas, e gjithë çka ju duhet  të bëni është të zhvendosni peshën tuaj pak për të drejtuar kështu Segway-n.

Segway mund të lëviz deri në 4.5 km/h dhe me baterinë e saj mund të udhëtoni 3km
Për më shumë, kënaquni me këtë video.

www.youtube.com/watch?v=_Me1P0JljVk

Artikuj të ngjajshëm:

1. Honda e konfirmoi NSX-in e ri
2. Honda prezanton versionin CR-V-s
3. Honda nuk hoqi dorë nga motorët me naftë

Bankers Petroleum, kompania kryesore e prodhimit të naftës në Shqipëri realizoi të ardhura prej 102 milionë dollarësh amerikanë gjatë tremujorit të parë të këtij viti me rritje 41 për qind në krahasim me të njëjtën periudhë të një viti më parë. 

Rritja e të ardhurave u realizua nga rritja e prodhimit dhe shitjeve të naftës me 12 për qind dhe rritjes së çmimit mesatar të shitjes me 25 për qind.

Shitjet qenë mesatarisht 13,297 fuçi në ditë ndërsa çmimi i shijtes qe afërsisht 85 dollarë për fuçi.

“Pagesat për qeverinë Shqiptare dhe entitetet e lidhura me të [Albpetrol] qenë 19.1 milionë dollarë për këtë tremujor, nga 13.8 milionë që qenë në tremujorin e parë 2011. Pagesat totale për qeverinë qenë 64 milionë dollarë për të gjithë vitin 2011 dhe kjo përfaqëson 19 për qind të të gjitha të ardhurave,” tha kompania.

Bankers punon në bazë të një marrëveshjeje koncesionare të firmosur në vitin 2004, ku qeveria shqiptare do të mund të përfitojë 50 për qind të fitimeve pasi kompania të ketë shlyer investimet kapitale. Koncesionari paguan ndërkohë te qeveria rentë minerare, që për naftën është 10 për qind e të gjitha shitjeve si dhe transferon një pjesë të prodhimit te kompania Albpetrol për puset nën pronësi shtetërore që i janë kaluar për shfrytëzim kompanisë private.

Gjatë muajve të fundit, qeveria ka nisur procedurat për privatizimin e Albpetrol, kompanisë shtetërore që aktualisht i kanë mbetur pak puse në punë dhe prodhim minimal prej 57 mijë tonë. Albpetrol disponon edhe prodhimin që i takon nga marrëveshjet me koncesionarët privatë, dhe ky prodhim pritet të shitet sëbashku me vetë Albpetrol.

Opozita ka kritikuar planin për privatizimin e Albpetrol ndërsa ka deklaruar se marrëveshja me koncesionarët privatë është e dëmshme për Shqipërinë. 14 maj 2012

Çmimet e naftës kanë rënë në nivelin më të ulët të 6 muajve të fundit.Çmimi i një fuçie me naftë bruto ka rënë poshtë 93 dollarëve amerikanë.

Kontrata për 1 fuçi nafte bruto e tipit amerikan për qershorin në bursat aziatike sot ka rënë në 92,76 dollarë, kurse 1 fuçi nafte bruto londineze e tipit Brent për qershorin sot është këmbyer me 110,31 dollarë.

Artikuj të ngjajshëm:

1. Rusia dhe Kina, bisedime për çmimin e naftës bruto

Volkswagen Polo BlueGT i ri dallohet për aftësinë që të kombinoj performancën dinamike superiore me efikasitetin e jashtëzakonshëm në kursimin e karburantit.

Kulminacioni teknik i kësaj veture kompakte, është sistemi i deaktivizimit të cilindrave, i cili për herë të parë është prezantuar në një veturë Volkswagen, i njohur ndryshe si ACT. Ky sistem është realizuar me motorin e ri 1.4-litërsh TSI të VW Polo BlueGT.

Ky motor i fuqishëm ofron 103 kW / 140 kuaj fuqi dhe prapë harxhon vetëm 4.7 litra për 100 km. Nëse Polo BlueGT porositet me transmisionin me 7 shpejtësi (DSG), atëherë harxhimi i karburantit bie në 4.5 l/100 km dhe duhet pasur parasysh se flitet për karburant benzinë dhe jo naftë.

Po ashtu, kjo veturë, me shpejtësinë maksimale prej 210 km/h, arrin që përshpejtimin nga 0 në 100 km/h, ta arrij për vetëm 7.9 sekonda. Kjo bashkë-ekzistencë e pazakontë e efikasitetit dhe performancës dinamike, është arritur nga ndërlidhja sistematike e ACT-s, duke kombinuar uljen e zhvendosjes së motorit dhe injektimit direkt me teknologjinë BlueMotion Technology që përfshinë sistemin Stop/Start dhe rigjenerimin e baterisë.

Si i tillë, Polo BlueGT mbyll hendekun mes Polo 1.2 TSI (77 kW / 105 PS) dhe Polo GTI (132 kW / 180 PS).

Eksterieri i Polo BlueGT

Volkswagen-i i ri ka pësuar vërtetë ndryshime si një pjesën e jashtme, ashtu edhe në atë të brendshme. Nga ana e jashtme, janë fellnet 17 inç jashtëzakonisht të bukura me shumë fletëza, mbishkrimi GT para dhe prapa (plus ‘BLUEMOTION’ prapa) si dhe gypat e rinj të gazrave që janë karakteristikë identifikuese e VW Polo BlueGT.

Si shtesë, një numër i tipareve standarde janë adoptuar nga Polo GTI apo Polo BlueMotion. Tiparet e GTI-s janë spojleri në pjesën e pasme, parakolpi i pasmë me difuzer, parakolpi i përparmë dhe dritat e mjegullës, duke përfshirë edhe dritat aktive të ditës. Elementet BlueMotion janë pragu anësor dhe kanalet e shiut para.

Volkswagen Polo BlueGT është zbukuruar edhe me një grill radiatori i ngjyrosur me të zezë, ekrani i ventilimit R-line dhe pasqyrat e dyerve të zeza. Një efekt pozitiv në aerodinamikë, është lartësia e Polo-s për 15 mm më e vogël.

Interieri i Polo BlueGT

Tiparet e interierit janë sistemuar me një funksionalitet të jashtëzakonshëm të ekranit multi-funksional (mesazhi ACT dhe për presionin e gomave), instrumentet GTI, sistemi i kontrollimit të vozitjes, vijat e zeza të kulmit dhe zbukurime të zeza të shtyllave në stilin GTI, dritat e errësuara dhe të interierit të përshtatura sipas nevojës, një timon sportiv i mbështjellë me lëkurë me emblemë ‘BlueGT’, ulëse sportive para me zbukurime me dizajn të ri si dhe detaje tjera zbukuruese nga kromi.

Gjenerata e re e motorëve

Motori 1.4 TSI në Volkswagen Polo BlueGT, është top-motori i serisë plotësisht të re EA211 të motorëve me benzinë. Këta motorë me benzinë dhe seria e motorëve me naftë EA288, e cila gjithashtu është e re, janë shtyllat e teknologjisë së sistemit të ardhshëm Modular Transverse Matrix (MQB).

Edhe para se të prezantohet sistemi MQB, blerësit e Volkswagen Polo BlueGT,do të kenë mundësi të kënaqen me TSI-n e teknologjisë së lartë me deaktivizim të cilindrave. Volkswagen është prodhuesi i parë i veturave që prezanton menaxhimin aktiv të cilindrave, si teknologji për kursimin e karburantit në motorët e vegjël.

Duke fikur cilindrin e dytë dhe të tretë nën ngarkesën e ulët dhe të mesme, arrin që të ulë harxhimet për 0.4 l/100 km. Në vozitje me shpejtësi konstante në marshin e tretë apo të katërt, kursimi i karburantit arrin në 1 litër në100 km. Por edhe kur vozit me 70 km/h në marshin e pestë, harxhimet ulen për 0.7 l/100 km.

Prodhuesi i njohur “Audi” është duke punuar në zhvillimin e modelit Q2, SUV i cili do të vendosej nën momentalin Q3, ndërsa me madhësi i afrohet Nissan Juke-s dhe noviteteve tjera të ngjashme të paralajmëruara.

Është e dukshme se bëhet fjalë për një segment shumë interesant në të cilin të gjithë parashikojnë rritje, kështu që në të dëshirojnë të marrin pjesë.

“Baby” SUV i “Audi-së” në treg do të duhet të arrinte më së largu për dy vjet, ndërsa konceptin e tij mund ta presim brenda një viti. Në skicat e publikuara, mund të shihet se bëhet fjalë për automobilin me pamje sportive dhe dimension më të vogla pra se modeli Q3.

Në brendësinë e tij mund të vendosen katër udhëtarë pasi që ulësja e pasme do të jetë e ndarë në dy ulëse të veçanta. Hapësira që do të ofrohet do të përshtatet me dimensionet e automobilit dhe linjën e kulmit të lëshuar prapa, dhe e njëjta vlen edhe për vëllimin e bagazhit. Realisht priten edhe pajisje për klientët që kanë më pak para.

Parashikohet që do ta lëvizë motorika nga modeli A1 me të cilin do të ndajë edhe numër të madh të komponentëve. Motori 1.4 TFSI me sistemin e deaktivizimit të cilindrave dhe motori shumë ekonomik 1.6-litra TDI do të jenë adutët kryesor të kësaj veture.

Gjenerata e shtatë e “Golf-it” do të jetë njëri nga novitetet më të rëndësishme vitin e ardhshëm.

Përndryshe, premiera zyrtare pritet në sallonin e automobilave në Paris këtë vjeshtë, ndërsa fillimi i shitjes në fund të këtij viti, përkatësisht në fillim të vitit të ardhëm.

Platforma MQB

Edhe pse platforma e re e “VW-së”, ajo MQB zyrtarisht është prezantuar në Audi A3 e ri, tek Golf i ri do të jetë testi i saj i parë i vërtetë. Të rikujtojmë, bëhet fjalë për platformën modulare e cila do të përdoret për numrin e madh të modeleve brenda “VW Gruop-it”, dhe e cila me konstruksionin e saj do të duhet ta thjeshtojë dukshëm prodhimin dhe do të zvogëlojë shpenzimet.

Përndryshe, shasia e Golf-it të ri do të jetë në pjesën më të madhe nga çeliku, ndërsa karroceria në pjesën më të madhe nga alumini. Shikuar në tërësi modelet e reja do të jenë rreth 40 kilogramë më të lehtë se paraardhësit që do të duhet ta vendosin në nivelin e Golf 4. Edhe tek motorët është kursyer në kilogramë kështu që në gjeneratën e re do të vendoset familja e re e qarqeve tërheqëse të “VW-së”.

Motorë më të lehtë dhe më efikasë

Për shembull, motorët me benzinë 1.4 TSI EA211 janë për 22 kg. më të lehtë se ata EA111. Përndryshe motori i ri, 1.2 do të zhvillojë 85 dhe 105 KF, ndërsa ai 1.4, 122 dhe 140 KF.

Versioni më i fuqishëm i motorit 1.4 TSI vjen me sistemin ACT (active cylinder management), që është sistemi i kontrollimit aktiv të cilindrave të cilët sipas nevojës mund t’i deaktivizoni. Ky sistem do të duhet të kontribuojë në kursimin e karburanteve për 1 litër secilit 100 kilometra të kaluar.

Motorët e rinj EA228 TDI Euro 6 po ashtu janë të avancuar. Do të vijnë në versionet me vëllim prej 1.6 dhe 2.0 litra, ndërsa emetimi i gazrave të dëmshëm do të zvogëlohet në 45%. Forca e tyre do të sillet ndërmjet 90 dhe 190 KF.

Pajisjet serike dhe opsionale, sidomos ajo e sigurisë do të duhet të jetë më e pasur duke përfshirë sistemet sikur ai i vërejtjes së lodhjes së ngasësit, pastaj sistemi i njohjes së shenjave të komunikacionit etj..

Tempomati aktiv, i kontrollimit të trafikut dhe rrugës nga para, për paralajmërimin e hershëm dhe mbajtjen e veturës në shirit po ashtu mund të pritet. Modelet më të fuqishme do të jenë të pajisur me diferencialin elektronik me bllokadë, ndërsa të gjitha modelet do të jenë të pajisur me servo-drejtimin e ri progresiv elektro-mekanik.

Artikuj të ngjajshëm:

1. Detaje të reja për Golf VII
2. Golf VII në vitin 2012

Vendimi i Citroen-it për reinkarnim të vijës DS, është treguar si sukses i plotë.

Modelet e deritanishme, duke përfshirë edhe modelin e sapo dalë në treg DS5, po shiten shkëlqyeshëm, kështu që nuk çudit lajmi për zgjerimin e ofertës së modeleve me shenjën DS. Në një të ardhme të afërt mund të priten modelet DS2, DS3 Cabrio, DS9 dhe SUV.

I fundit në ofertë do të vjen DS SUV në bazë të platformës së modelit C4 Aircross.