Është një dekad prej se Ford nuk ka nxjerr modelin e saj Focus por tani ky prodhues ka vendosur se ka ardhur koha për paraqitjen e Focusit unik si model global.
Modeli më i ri Ford Focus do të paraqitet në panairin e automjeteve që po mbahet në Detroit të SHBA-ve, ku prodhimi i ketij modeli pritet se do të filloj kah fundi i këtij viti gjersa në shitje në fillim të vitit të ardhshëm.
Me gjeneratën e tretë të Focus, Ford do të tentoj të kthehet në ditët e vjetra të famës. Dizajni i automjetit sërish është kinetik, e moto e dizajnuesve gjatë formësimit dhe përpunimit të automjetit ka qenë: “I shkëlqyeshëm për t’u parë, i shkëlqyeshëm për t’u ulur në të, i shkëlqyeshëm për t’u vozitur”.
Focus është paraqitur në version limuzinë dhe hatchback, e sikur te rasti i modelit aktual, brenda një periudhe të caktuar pritet ta shohim edhe në versionin karavan dhe kupe -kabriolet.
Automjeti fillimisht do të debutojë me motorin dylitërsh me katër cilindra atmosferik prej 150 kuaj fuqi, e edhe pse nuk është konfirmuar, priet që të gjitha modelet evropiane të janë me turbo-mbushës.
Artikuj të ngjajshëm: