Nga burime përmbrenda kompanisë së njohur të BMW-së bëhet e ditur se së shpejti pritet rifreskimi i automjetit jashtëzakonisht të popullarizuar -- X5. Pas ridizajminit të modelit të serisë 3 kupe dhe kabriolet, radha i ka ardhur edhe BMW X5.
Ky model madh sportiv i shumëpritur është modeli i tretë më i shitur i bavarezëve pas serisë 3 e 5, gjersa ai do të paraqitet zyrtarisht në panairin e automjeteve në New York në fillim të muajit prill. Shiko Video
Edhe pse shumë njerëz do të duhet t’i hapin sytë mirë për t’i parë dallimet, ato manifestohen në formën e re të mbrojtësit të përparmë dhe të prapmë, drita të reja si para dhe prapa, sistemin e përparuar iDrive dhe ngjyrat e reja të enterierit të tij.
Ndryshimet më të mëdha gjenden nën kapakun e motorit të tij. BMW ja rifreskuar linjën e tërësishme të motorëve, e të gjithë motorët atmosferik janë ndërruar me njësitë me turbo-mbushës.
xDrive30i është zëvendësuar me xDrive35i gjashtë cilindërsh me 306 kuaj fuqi, derisa në vend të motorit atmosferik V8 me 4.8 litra, në xDrive50i është vendosur motori bi-turbo 4.4-litërsh V8 me 407 kuaj fuqi.
Motorët me naftë do të kanë xDrive30d me 245 KF dhe xDrive40d, motori trelitërsh i common-rail i të me 306 KF zëvendësohet me 286 KF nga xDrive35d. /Telegrafi/
Artikuj të ngjajshëm:
- BMW konfirmon serinë hibride 3
- BMW zgjeron sistem permanent AWD xDrive
- Detaje të reja për BMW Serie-3 e konvertuar në E92/E93
- Publikohen fotot e serisë 5 F10 të BMW-së
- Del ne Shitje BMW M3 GTS