Këta automobila ekzotik posedojnë perfomancat më të mira në tërë arenën automobilistike.

Mbretit në mesin e automobilave të përmendur në këtë listë kushtojnë shumë para, madje edhe llogaria prej një milionë euro në bankë nuk ju garanton që të keni ndonjë të këtillë, për shkak të prodhimit të tyre të kufizuar.

Në vazhdim do t’ua prezantojmë 10 super-automobilat e dekadës së fundit.

1. Bugatti Veyron

Veyron i cili vihet në funksion nëpërmjet motorit 8.0-litra W-16 quad me turbomushës gjendet në maje të kësaj liste. Për 2.5 sekonda përshpejton nga 0 deri në 100 km/h, ndërsa shpejtësia maksimale e tij është 408 km/h, kurse kushton 1.600.000 dollarë. Janë prodhuar gjithsejtë 300 të këtillë. Ekipi i “Top Gear-it” e ka emërtuar “automobili i dekadës”, ndërsa atyre u besojmë duke pasur parasysh ekspertët që i ka në gjirin e vet.

2. Ferrari Enzo

Prodhimi i Ferrari Enzo-s ka zgjatë nga viti 2002 deri në vitin 2004, gjatë së cilës periudhe janë bërë 400 copë. Janë të pajisur me motorin 12-cilindërsh me 650 kuaj fuqi. 3.3 sekonda u janë të mjaftueshme që ta zhvillojnë shpejtësinë nga 0 deri 100 km/h, ndërsa shpejtësia maksimale e tyre është 363 km/h, ndërsa në vitin 2002 ata kanë kushtuar 670.000 dollarë për copë.

3. Porsche Carrera GT

Janë prodhuar gjithsejtë 1.270 Porsche Carrera GT, me V10 dhe i cili i ka 605 kuaj fuqi. Për herë të parë është prezantuar në panairin e automobilave në Gjenevë në vitin 2000, si koncept automobil. Kushton 450.000 dollarë, zhvillon shpejtësinë maksimale 330 km/h dhe për 3.9 sekonda e arrin shpejtësinë nga 0 deri në 100 km/h.

4. Pagani Zonda Cinique

Vetëm pesë copë të këtij superautomobili fascionues janë prodhuar nga ana e dilerit nga Hong-Kongu “Pagani-SPS Automotive Performance”. Zonda Cinique vjen me motorin 12-cilindërsh prej 678 kuaj fuqi, me shpejtësinë maksimale 350 km/h. Kushton 1.750.000 dollarë, ndërsa shpejtësinë nga 0 deri 100 km/h e arrin për 3.2 sekonda.

5. Koeninsegg CCXR

Ky automobil plotësisht i pranueshëm ekologjik nga Koenigsegg-a-CCXR, është i pajisur me motorin tetëcilindërsh me turbo mbushësin e dyfishtë, i cili i ka 806 KF. Kur këtë automobil ekologjik e vë në funksion E85 Biofuel, mund të zhvillojë plot 1018 kuaj fuqi! E arrin shpejtësinë nga 0 deri 100 km/h për 3.1 sekonda, mbi 400 km/h e ka shpejtësinë maksimale dhe kushton 1.250.000 dollarë.

6. Lamborghini Reventon

Reventon është njëri nga automobilat më të fuqishëm të Lamborghini-t. Janë prodhuar vetëm 200 sosh, plus një që është bërë për muzeun e Lamborghini-t. E vë në funksion motori 6.5-litra V12 me 640 kuaj fuqi. Shpejtësinë nga 0 deri në 100 kilometra e arrin për 3.3 sekonda, shpejtësia maksimale është 340 km/h, ndërsa kushton një milionë e gjysmë dollarë.

7. SSC Ultimate Aero

Më i riu Ultimate Aero e ka motorin 8-cilindërsh i cili prodhon të jashtëzakonshmit 1.287 kuaj fuqi dhe arrin shpejtësinë maksimale 434 km/h, edhe pse kjo shifër fasionante në praktikë ende nuk është arritur. Modeli nga viti 2009 posedon edhe AeroBrake në mënyrë që më efektivisht të ngadalësohet. Për 2.8 sekonda e arrin shpejtësinë nga 0 deri 100 km/h, ndërsa kushton 650.000 dollarë.

8. Aston Martin DBS

Me motorin prej 12 cilindrave i cili i prodhon 510 kuaj fuqi, Aston Martin DBS kushton rreth 270.000 dollarë, që e bën njërin nga automobilat më të lirë në këtë listë. Është i njohur për atë që u paraqit në filmin “Casino Royal” nga viti 2006, në njërin nga filmat për James Bond-in. I janë të mjaftueshme 4.2 sekonda që ta arrin shpejtësinë prej 0 deri 100 km/h, ndërsa shpejtësia maksimale i është ndalur në 304 km/h.

9. Mercedes-Benz SLR 722

“Hiperautomobili” SLR 722 i prodhuar falë bashkëpunimit të dy gjigantëve, Mercedes-Benz-it dhe McLaren Automotive, ishte i nëntë më i shtrenjti automobili legal për rrugë në vitin 2008. Është i rëndë mbi 1.700 kilogramë, por harxhon më pak karburante se sa Lamborghini Murciélago apo Lamborghini Gallardo. Motori i tij 8-cilindërsh prodhon rreth 650 kuaj fuqi; shpejtësinë nga 0 deri 100 km/h e arrin për 3.2 sekonda, ndërsa shpejtësia maksimale e tij është 344 km/h, kurse kushton gjysmë milionë dollarë.

10. Saleen S7 Twin Turbo

Ky është versioni i avancuar i S7 origjinal i cili vjen me turbombushësin e dyfishtë. Motori 8-cilindërsh prodhon plot 750 kuaj fuqi. S7 origjinal debutoi që në vitin 2000, derisa Twin Turbo është paraqitur në vitin 2004. Ky superautomobil shpejtësinë nga 0 deri 100 km/h e arrin për 2.9 sekonda, shpejtësia maksimale i është ndalur në 399 km/h dhe kushton 600.000 dollarë./Zeri.info/

Artikuj të ngjajshëm:

1. Bugatti Veyron me 1.200 kuaj fuqi
2. Bugatti Veyron është shumë i kufizuar në shpejtësie
3. Bugatti Veyron më i tmerrshmi për nga harxhimet

Falë këtyre ndryshimeve, DBS prodhon 550 kuaj fuqi (542 kf/ 405 kW) dhe 600 Nm moment rrotullues – një rritje prej 33 kuaj fuqi (32 kf/ 25 kW) dhe 30 Nm moment rrotullues.

Kjo mundëson që vetura të fluturojë prej 0 – 100 km/h për më pak se 4,1 sekonda, para se të arrijë shpejtësinë maksimale prej 320 km/h.

Kompania gjithashtu ka shtuar sistem frenues të performancës së lartë, fellne 21 inç dhe një amortizim sportiv, që mund të modifikohet (gjë që mund të ndryshojë lartësinë e veturës dhe kompresionin e amortizatorëve).

Në enterier konsumatorët mund të porosisin fibra të karbonit ose lëkurë ekskluzive për veshje të elementeve të enterierit, sipas dëshirës së tyre./infopress/