“Vitin e ardhshëm objektivi është të fitoj titullin kampion bote. Për Ferrarin dhe për një pilot të kësaj skuderie nuk mund të ketë objektiv tjetër përveç këtij.”

Kështu është shprehur Fernando Alonso, dy here kampion bote me Renault, në një intervistë për ‘The New York Times’, duke shtuar se sezonin që kaloi Red Bull dhe Sebastian Vettel ishin të pathyeshëm.

“Problemi është se një makinë si Red Bull së bashku me një pilot të mrekullueshëm si Vettel bënë që të ishte e pamundur të luftoje për kampionat. Duhet që tek Ferrari të përshtatemi me situatën aktuale në Formula 1 ku nuk ka teste dhe gomat janë të njëjta për të gjithë”, shtoi Alonso.

Përsa i përket të ardhmes së tij, piloti spanjoll sheh vetëm ngjyrën e kuqe: “Kur të mbaroj kontratën time do të shoh nëse ja vlen të vazhdoj apo jo, por gjithmonë tek Ferrari.”

Artikuj të ngjajshëm:

1. Piloti i Ferrarit luftonë për titullin kampion
2. Alonso rihap kampionatin
3. Alonso më i shpejti në provat e lira

Piloti i Ferrarit, Fernando Alonso, në prag të garës së fundit të sezonit në Abu Dabi, shprehu bindjen e tij se shumë shpejt do të jetë në gjendje të luftojë për titullin kampion, i cili i mungon prej katër vitesh.

Duke folur të premten për mediat spanjolle, Alonso i rikthehet garës së sezonit të shkuar në Emiratet e Bashkuara, vendin ku humbi titullin për një pikë. “Nuk do të thoja që kam kujtime të këqija nga “Yas Marina”.

Një vit më parë, problemi ishte që mbërrita në këtë pistë jo me diferencën që duhet të kisha. Në Valencia dhe Silverston meritoja në secilën garë nga 30 pikë dhe kjo do ta kishte mbyllur Botërorin. Nuk arrita të fitoja asnjë dhe kjo e bëri diferencën”.

Në sezonin aktual, kampioni i dyfishtë pranon se pothuajse nuk e mendoi asnjëherë titullin. “Diferenca me Vettel rritej garë pas gare dhe ndonëse kisha shpresë tek zhvillimet e Ferrarit, që në Belgjikë apo në Monza e kuptova se do të ishte e pamundur të luftoja për titullin. Në nivelin e pilotimit, ky është sezoni më i mirë i karrierës sime, por askush nuk do ta vlerësojë, pasi nuk arritëm të fitonim asgjë”.

Alonso, pasi e konsideroi veten si “pilotin më të mirë” në qarkullim, u ndal tek projektet e të ardhmes. “Jam në një ekip që e ëndërrojnë të gjithë dhe kam përvojën e shumë viteve garim. Mendoj se jam në një pozitë të shkëlqyer dhe jam i bindur që shumë shpejt do të rikthehem të festoj tituj të ri”.

Artikuj të ngjajshëm:

1. Alonso rihap kampionatin
2. Fernando Alonso: Me F150 fitoj përsëri titullin
3. Alonso fituesi i Çmimit të Madh të Koresë së Jugut

Fernando Alonso, piloti i Ferrarit, ka qenë më i shpejti në provat e lira të Cmimit të Madh të Monakos, të zhvilluara sot.

Alonso ka regjistruar kohën 1:15:123 duke lënë pas Lewis Hamilton (McLaren) i cili xhiroi me 1:15:228.

Vetëm në vend të pestë kampioni i botës në fuqi dhe kryesuesi i kampionatit botëror të Formula 1, Sebastian Vettel (Red Bull).

Ja kohët e provave të lira:

1. Fernando Alonso (Ferrari) 1:15.123
2. Lewis Hamilton (McLaren) 1:15.228
3. Nico Rosberg (Mercedes GP) 1:15.321
4. Jenson Button (McLaren) 1:15.448
5. Sebastian Vettel (RBR) 1:15.667
6. Felipe Massa (Ferrari) 1:15.781
7. Michael Schumacher (Mercedes GP) 1:16.356
8. Mark Webber (RBR) 1:16.642
9. Adrian Sutil (Force India) 1:17.101
10. Nick Heidfeld (Renault) 1:17.126
11. Vitaly Petrov (Renault) 1:17.337
12. Sergio Pérez (Sauber) 1:17.541
13. Rubens Barrichello (Williams) 1:17.570
14. Sebastien Buemi (Toro Rosso) 1:17.581
15. Pastor Maldonado (Williams) 1:17.633
16. Kamui Kobayashi (Sauber) 1:17.706
17. Jaime Alguersuari (Toro Rosso) 1:17.789
18. Heikki Kovalainen (Lotus) 1:18.266
19. Jarno Trulli (Lotus) 1:18.490
20. Paul di Resta (Force India) 1:19.053
21. Jerome d’Ambrosio (Virgin) 1:19.185
22. Timo Glock (Virgin) 1:19.338
23. Narain Karthikeyan (Hispania) 1:22.066

Artikuj të ngjajshëm:

1. Fernando Alonso më i shpejti në provat e dyta të lira të Formual 1
2. Lewis Hamilton : Alonso, rivali im kryesor
3. Alonso fituesi i Çmimit të Madh të Koresë së Jugut

Piloti i Ferrarit, Fernando Alonso, bëri të ditur se skuadra e tij do të prezantojë disa modifikime në garën e ardhshme të Malajzisë, ndërsa hodhi poshtë spekulimet për gjendjen e vështirë të “kokëkuqes”.

Do të kemi disa modifikime në makinë, por asgjë veçanërisht të rëndësishme, e cila do të na lejonte të arrinim ndryshime radikale në rendimentin tonë”, shpjegonte Alonso në faqen personale të internetit.

Kjo nuk do të thotë se nuk do të jemi në gjendje të luftojmë për të fituar garën, pasi ndryshe nga sa është thënë, nuk mendoj se Çmimin e Madh të Australisë treguam se jemi shumë pas të tjerëve”.

Në Melburn, dy herë kampioni i botës u rendit pas gjermanit Vettel, britanikut Hamilton dhe rusit Petrov. “E dimë që duhet të përmirësohemi ende, por për momentin, gjëja kryesore është të mësojmë të nxjerrim rendimentin më të mirë prej mjetit që kemi në dispozicion.

Më kujtohet sezoni kur fitova titullin e parë më Renault, kur nisëm me dy makina që ishin më të ngadalta se ato të 2-3 rivalëve të tjerë, por në fund ishin dy mjetet tona ato që fitonin rregullisht vendet e para”, përfundoi Alonso.

Artikuj të ngjajshëm:

1. Piloti i Ferrarit luftonë për titullin kampion
2. Alonso mund të premtojme një fillim të mbarë
3. Fernando Alonso: Me F150 fitoj përsëri titullin

Lewis Hamilton sheh tek Fernando Alonso, pilotin e Ferrarit, rivalin e tij kryesor në botën e Formula 1.

Edhe pse Sebastian Vettel me Red Bull është kampioni i botës në fuqi dhe fituesi i garës së parë të sezonit, piloti britanik i Mclaren nuk e sheh si rival.

“Gjithmonë mendoj se rivali im kryesor është Alonso. Mund ta quaj si “armikun” tim dhe kjo për shkak të historisë time në Formula 1 që kur kam filluar karrierën. Është një lloj rivaliteti i ngjashëm me atë të pilotëve Ayrton Senna dhe Alain Prost”, u shpreh Hamilton për ‘The Guardian’.

Më i “butë” është rivaliteti me Vettel, të cilin britaniku e konsideron një shkallë më poshtë, edhe pse nuk e thotë hapur: “Nuk besoj se Vettel është kundërshtari i vërtetë. Nëse do të vazhdojë të ketë një makinë kaq të shpejtë mund të bëhet. Por, jam i bindur se nëse do të kemi në dispozicion mjete të njëjta, atëherë do të shohim gara të vërteta.”

Artikuj të ngjajshëm:

1. Lewis Hamilton ironizon Alonson
2. Lewis Hamilton: Dua të fitoj shumë tituj
3. Alonso fituesi i Çmimit të Madh të Koresë së Jugut

Dy herë kampioni i botës në Formula 1, Fernando Alonso, është shumë optimist për sezonin e ri, ndërsa zhvlerëson rëndësinë e problemeve në këtë moment të sezonit.

Përpara se të niste dita e dytë e provave në pistën e Katalunjës, më vonë gjatë ditës, Alonso tha: “Në mëngjes patëm një problem elektrik dhe më vonë edhe një mekanik.

Në fakt, këto kanë qenë problemet e para që kanë lindur gjatë këtij sezoni, së bashku me ato që pati Massa në Valencia.

Megjithatë, është normale që makina të mos jetë ende perfekte dhe deri në garën e parë në Bahrein, do të ketë mundësi për shumë zhvillime dhe përmirësime të tjera”.

Në deklaratën e tij për Agjensinë Spanjolle të Lajmeve, “EFE”, Alonso shtoi se pasi të përfundojnë provat nesër, planifikon të udhëtojë deri në Itali, për t’i bërë një vizitë Robert Kubica-s.

Artikuj të ngjajshëm:

1. Fernando Alonso: Të tjerët janë përmirësuar më shumë se ne
2. Fernando Alonso është rikthyer në Europë
3. Fernando Alonso dominon në Gjermani

Kampioni i dyfishtë i botës, Fernando Alonso, shprehu besimin se makina e re e Ferrarit, F150, do ta ndihmojë që të fitojë një titull të ri.

”Ndryshimi nga një vit më parë është që tani kam të gjithë numrat e celularit të mekanikëve dhe i telefonoj nga dy herë në ditë për t’i vendosur në presion”, deklaroi Alonso, në konferencën për shtyp, zhvilluar pasditen e djeshme.

”Në vitin tim të dytë këtu jam në gjendje t’i thërras të gjithë me emër. Kam besim se do të jemi në gjendje të fitojmë titullin, pasi të gjithë jemi të vendosur dhe të përkushtuar në punën tonë të përbashkët”.

Duke u rikthyer tek sezoni i fundit, ku Alonso humbi titullin në garën e fundit në Abu Dabi, spanjolli komentoi: “Nuk dua ta kujtoj, sepse jam në gjendje të nervozohem menjëherë. Duhet ta harrojmë duke fituar në 2011-n”.

Në fund, nuk mund të mungonte vlerësimi për makinën e re. “Pres që të kem një mjet më të besueshëm dhe më të shpejtë, por është e qartë që nga prezantimi dhe deri në mars, kur të zhvillojmë garën e parë, shumë gjëra do të jenë modifikuar”.

Artikuj të ngjajshëm:

1. Piloti i Ferrarit luftonë për titullin kampion
2. Fernando Alonso dominon në Gjermani
3. Fernando Alonso: Të tjerët janë përmirësuar më shumë se ne

Fernando Alonso, nuk duket shumë i shqetësuar përpara garës së fundit të sezonit të Formula 1, edhe pse në këtë garë do të luftojë për titullin kampion.

“Objektivi për këtë garë është që të përfundoj i pari ose i dyti në mënyrë që të shpallem kampion. Nga e premtja deri të dielën do të punojmë për të arritur këtë”, u shpreh Alonso.

Për Alonson, të shtunën, gjatë provave zyrtare “renditja në vijën e parë të nisjes është e mundur dhe nëse arrihet pole position, aq më mirë.”

Në rast se të dielën nuk arrin të fitojë titullin kampion, Alonso u shpreh: “Sigurisht që mërzitesh nëse e humb titullin në garën e fundit, por unë nuk kam për çfarë t’i ankohem vitit 2010. Në dy vitet e fundit kam luftuar në vendet e ulta të klasifikimit. Edhe Ferrari ka pasur një sezon të keq në 2009-ën.”

“Në këtë vit të parë të marrëdhënies sonë jemi duke luftuar kundër një makine dominuese si Red Bull, kështu që nuk ka rëndësi se çfarë ndodh të dielën. Personalisht, do kem kujtime të bukura nga ky vit”, deklaroi piloti spanjoll.

Artikuj të ngjajshëm:

1. Fernando Alonso: Me F150 fitoj përsëri titullin
2. Felipe Massa: Do ndihmoj Alonson
3. Alonso mund të premtojme një fillim të mbarë

Felipe Massa, pranon që mund të heqë dorë nga triumfi në garën e shtëpisë së tij për të ndihmuar shokun e skuderisë, Fernando Alonso, për të fituar titullin kampion.

“Nëse do të varej nga unë, patjetër që do ta ndihmoja. E kam bërë edhe më parë në vitin 2007”, u shpreh Massa për mediat braziliane.

Massa i referohet sezonit 2007, kur lejoi që shoku i tij i atëhershëm tek Ferrari, Kimi Raikkonen, ta parakalonte po në pistën braziliane.

“Nuk mund të them që Alonso është shoku im më i mirë i ekipit që kam pasur. Kam pilotuar me Schumacher, për të cilin flet vetë karriera e tij. Gjithashtu edhe Raikkonen ishte një pilot i shkëlqyer. Besoj se të tre janë në të njëjtin nivel”, deklaroi Massa.

Gjithashtu, braziliani pranoi se me makina të njëjta, Alonso ka pasur një rendiment më të lartë se vetë ai: “Fernando është treguar më kompetitiv këtë vit. Për mua ka qenë një vit i keq, sidomos përsa i përket provave zyrtare. Alonso e meriton titullin”.

Artikuj të ngjajshëm:

1. Felipe Massa rikthëhet në pistë
2. Felipe Massa: Alonso, pjese e lojes se Singaporit
3. Felipe Massa: Kthimi në Hungari ishte i vecantë

Fernando Alonso është fituesi i Çmimit të Madh të Koresë së Jugut në Formula 1, duke marr edhe kreun e klasifikimit.

Piloti i Ferrarit ka lënë pas Lewis Hamilton të McLaren dhe shokun e tij të skuadrës Felipe Massa.

Gara e Koresë është shoqëruar me incidente të shumta të shkaktuara nga rreshjet e shiut, duke detyruar disa pilotë të dalin nga pista.

Nëntë xhiro nga përfundimi i kësaj gare Sebastian Vettel ka dalë nga pista pas një defekti në motorin e makinës. Piloti i Red Bull që kryesonte garën që prej fillimit, humbi kështu mundësinë për të pretenduar për titullin e kampionit të botës.

Ndërkohë shoku i tij i skuadrës Mark Webber doli nga pista gjatë një përplasjeje, disa xhiro pas largimit të makinës së sigurisë.

Pas garës së sotme, kreun e klasifikimit të pilotëve e mban Alonso me 231 pikë duke lënë pas Webber me 220 dhe Hamilton me 210.

Ndërsa në klafikimin e përgjithshëm për konstruktorët, Red Bull kryeson me 426 pikë, i pasuar nga McLaren me 399 dhe Ferrari me 374 pikë.

Artikuj të ngjajshëm:

1. Alonso rihap kampionatin
2. Fernando Alonso dominon në Gjermani
3. Alonso bëri viziten e parë në Maranello si ferrarist