AutoLajme.com » Toyota

Toyota ia “tërhoqi rrudhat” Avensis-it

fisi — Tue, 11 Oct 2011 14:41:37 +0000

Siç ndodh zakonisht, diçka më shumë se tre vjet nga prezantimi në “Toyota” kanë vendosur që është koha për freskimin e pamjes së Avensis-it. Limuzina japoneze dhe karavani, gjykuar në bazë të fotografisë së parë, ndryshimet më të mëdha ka përjetuar në pamjen e maskës së parme.

Qarku i ndriçimit është plotësuar me të gjitha LED dritat e pranishme në treg për ditë, ndërsa këtu është edhe mbrojtësi i ridizajnuar dhe maska e re për ftohësin.

Priten të bëhen edhe ndryshime në pjesën e pasme të automobilit, sidomos në kuadër të dritave, ndërsa në “Toyota” potencojnë se Avensis po ashtu është i përmirësuar edhe në pjesën e enterierit me shfrytëzimin e materialeve cilësore, derisa “ndryshimet strategjike” janë të rezervuara edhe për qëndrueshmërinë tërheqëse dhe dinamikën e ngasjes, por për këtë më shumë do të kuptojmë këto ditë.

Për çdo rast, “Toyota” potencon se në Avensis, për freskimin e tij, kanë harxhuar shumë para në krahasim me çdo model tjetër, andaj pritshmëritë janë të mëdha.

Artikuj të ngjajshëm:

Tërmeti dhe cunami dëmtojnë Toyota-n

fisi — Wed, 10 Aug 2011 13:17:42 +0000

Kompania japoneze e prodhimit të automjeteve Toyota do to ketë ndërprerje në linjën e prodhimit të makinave për shkak të dëmeve të shkaktuara nga tërmeti dhe cunami i 11 marsit.

Si pasojë e katastrofave natyrore Toytota nuk mund të përballojë furnizimin me pjesë të ndryshme që bëhet nga rrjeti i uzinave të kësaj kompanie. Kthimi në normalitet i prodhimit pritet në vjeshtën e këtij viti, në muajt tetor e nëntor.

Si pasojë e tërmetit dhe cunamit të 11 marsit ka një humbje të prodhimit në vlerë prej 260 mijë makinash. Toyota është prodhuesi numër një i automjeteve në botë.

Artikuj të ngjajshëm:

Pre-Collision System i Toyota-s

fisi — Fri, 05 Aug 2011 11:10:08 +0000

Kohë më parë nga fabrika në Francë nga ku arrin gjenerata e tretë e modelit Toyota Yaris, kemi dëgjuar ambiciet e inxhinierëve të atjeshëm për planin e “zero’ gabimeve gjatë prodhimit.

Por tani arrin një lajm edhe më i mirë – ‘zero’ raste të vdekjes. Deri në arritjen e këtij qëllimi, duhet bërë ende shumë hapa dhe njëri nga më të rëndësishmit, është sistemi i ri Pre-Collision (para përplasjes).

Hapat fillestar në këtë drejtim para ca vitesh i kishte bërë Mercedes, mirëpo, Toyota ka shkuar një hap më larg, sepse sistemi i tyre e merr kontrollin ndaj timonit, respektivisht elektronika ndaras nga vozitësi, e drejton veturën në drejtim më të sigurt. Përpara janë të instaluara kamerat e lidhura me radarin e quajtur ”millimeter-wave”.

Natyrisht, përkrah kamerës dhe vëzhgimit të këndit të timonit, vjen edhe kontrollimi i punës së frenave si dhe aktivizimi i tyre në mënyrë të pavarur ESP, ABS, tërheqja e rripit të sigurisë në momentin kritik, mbyllja e dritareve, lëvizja e pedaleve të këmbës, etj.

Artikuj të ngjajshëm:

I “gërditet” statusi i prodhuesit më të madh

fisi — Tue, 28 Jun 2011 13:25:31 +0000

Me vite japonezët e kanë përmendur ambicien që të marrin rolin e prodhuesit më të madh të automobilave në botë nga “General Motors-i” amerikan, dhe vetëm katër vjet kur e arritën këtë gjë, më nuk e duan.

Në bisedën për “Automotive News”, nënpresidenti i “Toyota-s”, Satoshi Ozawa tha se të jesh numër një në renditjen botërore të prodhuesve të automobilave sipas numrit të makinave të shitura “nuk do të thotë asgjë” dhe se “në kompani më e rëndësishme është ofrimi i shërbimeve dhe kënaqësisë për blerësit”.

Ozawa po ashtu e potencoi se “Toyota” më nuk do ta ketë këtë qëllim nëse dikush e tejkalon. Ai dikush që këtë vit mund të jetë “General Motors”, por jo aq për shkak të suksesit, sa për shkak të pasojave katastrofave të tërmetit dhe cunamit të cilat kohë më parë ndodhën në Japoni dhe shkaktuan, ndër të tjera, edhe ndalimin e prodhimit, për çka në “Toyota” presin rënie të fitimit për madje 31 për qind.

Në hisen prej 15 për qind të “Toyota-s” është duke marshuar edhe “Volkswagen-i” gjerman i cili në strategjinë e punës, vitin 2018 e shënoi si vit kur do të jetë numër një në botë për shitjen e automobilave. Marrë parasysh që “Toyota” nuk shfaq ambicie të tepruara për mbrojtjen e titullit, gjermanëve kjo dëshirë do të mund t’i plotësohej më herët apo më vonë./zeri/

Artikuj të ngjajshëm:

Toyota do ta zvogëlojë prodhimtarinë për 70 për qind

fisi — Fri, 29 Apr 2011 13:17:59 +0000

Korporata japoneze Toyota komunikoi se në kapacitetet e saj në Indi do ta zvogëlojë prodhimtarinë e automjeteve për 70 për qind deri më 4 qershor për shkak të mungesës së autopjesëve, të shkaktuar nga tërmeti shkatërrues dhe cunami në Japoni më 11 mars.

Zëvendësdrejtori i filialit indian të Tojota-s, Sandep Sing deklaroi se “zvogëlimi i paralajmëruar i vëllimit të prodhimtarisë paraqet vetëm masë të parakohshme, e cila fo dë të jetë në fuqi nga 25 prilli deri më 4 qershor”.

Do të prodhojmë rreth 7.000 automobila brenda një muaji më pak sesa zakonisht, tha ai.

Artikuj të ngjajshëm:

Toyota “e trentë” pas rrymës

fisi — Tue, 15 Mar 2011 20:56:46 +0000

Sipas dokumentit të publikuar kohë më parë, Toyota Global Vision, prodhuesi i njohur japonez i automobilave ka ndërmend që në katër vjetët e ardhshëm, deri më 2015, të ketë në treg të paktën 10 modele të reja të automobilave hibridë.

Përveç hibridëve, në pjesën e strategjisë e cila ka për qëllim prodhimin e automjeteve me ndikim minimal në ambient, përmenden edhe automobilat vetëm me rrymë si dhe automjetet e bazuara në qeliza djegëse.

Ky është vazhdim i punës së mëparshme të Toyotoës në këtë teknologji e cila shumë shpejt do të duhej të sillte disa rezultate konkrete. Problemi me automjetet me qeliza djegëse është çmimi prodhues i lartë i tyre – tani për tani rreth gjysmë milioni dollarë për një automobil me madhësi mesatare.

Toyota parashikon që së shpejti çmimi i qelizave djegëse do të bjerë për 90 për qind, duke shfrytëzuar më pak katalizatorë platine në qeliza, thjeshtëzimin e dizajnit dhe zvogëlimin e shpenzimeve të pjesëve prej fijeve të karbonit prej të cilave bëhej shtëpiza e qelizave.

Tani për tani çmimi i të gjithë komponentëve të qelizave djegëse për industrinë e automobilave është aq i lartë, saqë prototipet të cilët shfrytëzohen në prodhim kushtojnë rreth 100.000 dollarë, që megjithatë është rreth pesë herë më pak se çmimi i vitit 2008 për të njëjtën teknologji.

Toyota shpreson që çmimi i prodhimit të qelizave djegëse në vitin 2015 do të bjerë aq shumë, saqë çmimi komercial i modeleve të tilla në treg do të jetë rreth 50.000 dollarë.

Artikuj të ngjajshëm:

Toyota, thirrje për riparimin e makinave me defekte

admin — Thu, 27 Jan 2011 12:51:57 +0000

Kompania Toyota nxori një thirrje për riparimin e 1.7 milionë makinave për shkak të defekteve që mund të çojnë në çarje të serbatorit.

Kjo është thirrja e fundit që nga viti 2009 që dëmtoi reputacionin e kompanisë.Toyota tha sot se 1 presje 2 milion makina janë shitur në Japoni dhe përfshijnë modelet e viteve 2000 deri 2008.

400 mijë makinat e tjera që mund të kenë defekt janë shitur në Amerikën e Veriut dhe Evropë. Toyota ka tërhequr për riparim më shumë se 12 milionë makina në më pak se një vit.

Artikuj të ngjajshëm:

Toyota, mbetet prodhuesi numër një i makinave në botë

admin — Mon, 24 Jan 2011 10:22:10 +0000

Kompania japoneze e prodhimit të automjeteve Toyota tha se ka rritur numrin e shitjeve gjatë vitit të kaluar duke ruajtuar vendin e parë në mesin e lojtarëve të tjerë të kësaj industrie.

Suksesi i Toyota-s ka vazhduar megjithë tërheqjen nga tregu të një numri të madh makinash për shkak të problemeve teknike.

Toyota tërhoqi nga tregu mbi 10 milionë automjetesh gjatë vitit 2009 dhe 2010.

Artikuj të ngjajshëm:

Toyota paguan gjoba të reja

admin — Mon, 20 Dec 2010 13:50:10 +0000

Kompania Toyota është dakorduar t’i paguajë 32.4 milionë dollarë gjobë Shteteve të Bashkuara, për t’i zgjidhur hetimet lidhur me dy probleme teknike që u paraqitën tek makinat që u tërhoqën nga tregu.

Dënimet e reja e çojnë në 48.8 milionë dollarë gjobën e përgjithshme që Toyota e ka paguar këtë vit për tërheqjen e automjeteve.

Toyota tërhoqi nga tregu rreth 10 milionë makina në botë nga fundi i 2009 dhe fillimi i 2010, për shkak të problemeve me pedalen e gazit.

Artikuj të ngjajshëm:

Toyota do të filloj testet e versionit elektrik

admin — Sat, 27 Nov 2010 10:00:48 +0000

Nga kompania Toyota është konfirmuar se në vitin 2011 do të fillojnë testet e versionit elektrik të automjetit për qytet – iQ.

Automjeti i ri iQ EV është zbuluar vitin e kaluar si koncepti FT-EV II, e në tregun amerikan e evropian do të paraqitet në vitin 2012.

Automjeti është produkt i përparimit të Toyotas në zhvillimin e automjeteve të cilat shfrytëzojnë karburante alternative me emetim të ulët të CO2.

Kompania paraprakisht ka paraqitur modelin elektrik RAV 4 i cili po ashtu do të gjendet në tregun amerikan në vitin 2012.

Deri në fund të vitit të njëjtë do të paraqiten 11 hibride prej të cilëve disa janë tërësisht të ri, e disa të ridizajnuara. Më herët është paralajmëruar modeli elektrik Yaris, si dhe modeli Prius i cili do të paraqitet në fillim të vitit 2012.

Nga kompania ka arritur informata se janë të gatshme të gjeneratës së re të cilat do të sjellin përparim të ri në performansën e automjeteve elektrike në mënyrë që ata të janë të suksesshëm në tregje.

Përkundër zhvillimit të automjeteve në karburante alternative, në Toyota kanë thënë se do të mbesin të përkushtuar ndaj ekonomisë së motorëve me djegie të brendshme me përmirësim të performansave dhe zvogëlim të shpenzimeve, sepse ato përbëjnë pjesën më të madhe të shitjes.

Artikuj të ngjajshëm: