Muaj më parë u përfol për disa modele të reja të Porsche. Flitej se do të kemi katër modele të reja, Macan, 911 Targa, Cayman dhe Boxster.

E tani del se kjo informatë ka qenë e vërtetë, së paku për dy prej këtyre modeleve të përfolura. Fotografët spiunë të “Autoblog”, kanë hasur në prototipet e Porsche – një Cayman dhe një Boxster.

Nga fotografitë, shihet se të dy këto modele do të kenë përmirësime të vogla në dukjen e jashtme me tabelë të re të aparaturave si dhe disa përmirësime në pjesën e prapme. Por, ajo që do t’i veçojë këto makina është shtimi i kuajfuqive, të cilat tani kanë 340 kf, transmeton Koha.net.

Siç mësohet, ndërruesi manual i shpejtësive do të jetë standard, por me porosi do të mund ta keni edhe atë automatik.

Informatat e para për këto makina pretendonin se debutimi i tyre do të ndodhë në muajin prill gjatë panairit të makinave “Beijing Motor Show” para se të dalin edhe në shitje, për një çmim prej rreth 75,000 dollarësh.

Ndaje artikullin me të tjerët:
  • Postoje tek Kapsit
  • Bookmark tek RuajFaqet
  • Facebook
  • Digg
  • TwitThis
  • Print this article!